Napahilamos sa aking mukha habang nakatingin sa tatlong babae na nandoon sa labas ng gate. Bukas ang gate kaya nakikita ko sila na kausap si Putos. Mukhag nakikipagtalo si Putos sa tatlong babae na buntis. Nakita ko rin sa gilid si Tempara. Mukhang na-stress ito sa mga babaeng kausap nila. Panay kasi ang hilot nito sa noo niya.
Dali-dali naman akong lumabas ng aking kwarto para pumunta sa labas ng gate. Hindi pa ako tuluyang nakakalapit sa gate nang marinig ko ang mga pinag-uusapan nila.
“Papasukin ninyo kami sa loob ng bahay. Gusto naming makausap si Mr. Sangalang, kailangan niya kaming panagutan dahil sabay-sabay niya kaming binuntis!” bulalas ng isang babae.
Kumunot ang aking noo dahil sa narinig ko. Ang lakas naman ng loob nila na magwala rito sa harap ng gate namin. Sino kayang
