“Wow, ang aga natin Ate, ah!” Ani ni Dani nang maabutan si Zoraida sa kusina na malapit ng matapos sa ginagawang pagluluto ng agahan para sa kanila. Madalas kasi sa mga ganitong oras ay kakagising niya pa lang pero dahil hindi siya makatulog ng maayos ay bumangon na lang siya ng maaga para ihanda ang almusal ng pamilya Meduya.
Hindi siya makatulog ng maayos dahil sa napagusapan nila kagabi ni Lorenzo. Ngayon na naalala na naman niya ang tungkol roon ay napapangiti na naman siya ng wala sa oras. Inaamin niya na kinikilig siya sa mga sinabi ng binata kagabi at inaamin niya rin na matagal na siyang nagagwapohan sa lalaki pero hindi niya inaasahang totoo talagang gusto siya nito.
Narinig niya na noong may gusto sa kaniya ang lalaki pero hindi siya naniwala. Ang tingin niya kasi rito ay
