PARANG may mali kay Von at napansin kaagad ito ni Mover na kasalukuyang pinagmamasdan ang kanyang kapatid na may dala ng bola. 81-86 na ang score at lamang na ang Canubing Panthers. Dito nga ay naagawan muli ni Semeron si Aldaba na ikinailing na lang ng binata.
“Ano’ng problema mo Von?” tanong ni Mover sa sarili at naghiyawan muli ang fans ng Panthers nang maidakdak ni Semeron ang bola dahil libreng-libre ito sa pagbaba sa court.
Nang oras na iyon ay nakatingin lang si Aldaba sa pagdakdak ng kanyang kalaban. Hindi niya alam kung ano ang nangyayari sa kanyang sarili. Parang nawawalan siya ng ganang maglaro at parang tinatamad siyang gumalaw.
“Aldaba! Ano’ng problema mo?”
“Ayusin mo Aldaba!”
“Aldaba, natutulog ka na sa court!”
Narinig niya ang sigaw ng crowd na malapi
