MABIBILANG sa daliri ni Mover kung ilang beses na siyang natalo. Dati nang nasa Manila siya ay may mga nakakalaban siyang magaling doon. Ang ilan doon ay taga-rito rin sa probinsya, pero ang kauna-unahan niyang pagkatalong naranasan ay nang siya ay nasa edad na labing-dalawa. Nang minsang may dalawang lalaki ang dumayo sa Camilmil para makipaglaro.
Nasa elementarya pa lang siya ay nagustuhan na niya ang basketball at mula noon ay ito na ang naging laro na palagi niyang ginagawa sa paaralan man o sa bahay. Nang makilala niya ang kanyang kapatid na si Von ay ito na ang kanyang madalas na kakampi. Hindi nga lang niya ito madala sa kanilang tunay na bahay dahil ayaw pa niyang malaman nito na sila ay magkapatid. Madalas noon ay nagpupunta sila sa mga bara-barangay o sa ibang bayan para maki
