GABRIELLA'S POV
“Wala akong ginawa sa inyo, Madam Monina at hindi ko kayo binuhusan ng kape, kundi kayo mismo ang nagbuhos sa sarili n’yo,” maawtoridad na depensa ko dahil kahit hindi ko man naaktuhan ito’y nakita kong inabot nito ang tasa kay Angelie.
“Sinungaling kang janitress ka!” sigaw nito na binigyan ako ng sampal.
“Mama!” saway naman ni Sir Vandave na pumagitna sa amin. “Ano ang totoo, Mama? Si Ms. Hernandez ba talaga gumawa ng bagay na ‘yan?” matigas na tanong niya at nakita ko ang paglunok nito.
“Hindi ka ba naniniwala sa mama mo, Babe? At ‘wag mong sabihing kinakampihan mo ‘yang janitress na ‘yan,” gagad naman ni Angelie .
“Oo nga naman, Hijo. Ako ang mama mo, kaya sa akin ka dapat kumampi, at hindi ka ba naaawa sa akin dahil sa ginawa ng babaeng ‘yan, ha? Kilala mo ‘ko
