Muli akong kumuha ng kahoy at inihagis 'yon sa apoy na nasa harap ko bago sulayapan sila Yuhan na nag-iihaw ng kung ano sa hindi kalayuan mula sa kinalalagyan ko.
Nandito kami sa dagat, hindi ko alam na may malapit na dagat pala sa bahay ni Luna.
Kami lang ang tao rito dahil private resort ang lugar na 'to na pagmamay-ari ng pamilya nila Drake pero hindi siya kasama rito pati na rin si Luna.
Naiwan silang dalawa sa bahay at susunod na lang kapag natapos na nilang gawin ang kailangan nilang tapusin.
Pero alam ko naman wala talaga silang gagawin, alam ko na may pag-uusapan lang silang mahalaga na tungkol sa akin at ayaw nilang ipaalam sa akin ang bagay na 'yon.
Muli akong tumingin sa apoy na nagsasayaw sa harap ko.
Malamig ang simoy ng hangin pero dahil sa apoy na nasa harap ko ay nag-
