Nagising ako dahil sa sinag ng araw na tumatama sa mukha ko kaya pumikit akong muli dahil nasisilaw ako.
Tinaas ko ang kamay ko upang tabingan ang mukha ko at bumangon.
Magkasalubong ang mga kilay ko dahil sa hapdi ng mga mata ko.
Inilibot ko ang aking paningin at napansin ko na wala ako sa k'warto namin ni Luna.
Nasa sala ako kasama sila Yuhan na hindi maayos ang pagkakahiga dahil lahat sila ay nasa sahig samantalang ako ay nakahiga nang maayos sa sofa.
Naaalala ko ang lahat nang nangyari sa amin kagabi pero ang hindi ko lang maalala ay kung paano pa kaming nakauwi nila Recco sa bahay nang walang galos.
Nang tuluyan na akong nakabangon ay agad akong napahawak sa ulo ko dahil nakaramda ako ng sakit dito.
Parang pinupukpok ang ulo ko dahil sa sakit nito kaya namang nang balakin kong
