"Luluhod ka lang kapag ibibigay mo na sa kaniya 'yong sing-sing," wika ni Recco habang nakaupo siya sa katabi kong upuan at nakatingin sa akin sa repleksyon mg malaking salamin na nasa harap namin.
Muli kong naramdaman ang malamig na bagay sa mukha ko na hawak nitong babae na 'to na nag-aayos sa akin .
Nagtataka na nga ako kung bakit kailangan may make-up pa.
Okay naman ako kahit wala nito.
At saka si Luna lang naman ang ka-date ko, sigurado na mas gusto niya ang natural kong mukha.
"Kenan, hindi mo kailangan mag-isip o kumabisa ng mga salitang sasabihin mo mamaya kay Luna, kung gusto mo talagang maging totoo sa nararamdaman mo, sabihin mo sa kaniya 'yong mga bagay na gusto mo talagang sabihin sa kaniya na galing sa puso mo at totoo," ani Drake habang nakaupo naman sa bandang kaliwa k
