Ilang araw na ang nagdaan ngunit paulit-ulit pa rin ang nangyayari. Minsan pa'y dumadagdag pa si Kristof sa eksena. Kaya ang madalas kong ginagawa kapag nagkaka-iringan na sila'y umaalis na lamang ako.
"Haba ng buhok mo, te! Sarap sabunutan." Napapairap pang saad ni Tyrelle. Nandito siya ngayon sa kwartong inilaan sa amin ng kumpanya para sa isang buwang training.
"Ilang araw nga ang bakasyon mo?" pag-iiba ko ng usapan. Kararating niya lamang kaninang madaling araw dito sa Korea.
"Isang linggo lang, plano ko nga sanang gawing isang buwan kaya lang hindi na pumayag si Daddy." Napatawa ako dahil nakasimangot ito, halata ang irita sa kaniyang mukha.
"Mabuti na iyon, malapit na rin naman aking uuwi e."
"Kayong tatlo ang uuwi sa Pilipinas?" pagpapatungkol nito sa amin nina Z
