ANNIE'S POV
Pagkalipas ng halos isang oras na biyahe, sa wakas ay narating na namin ang resort. Pagkababa pa lang ng sasakyan, agad akong napahanga sa ganda ng lugar.
Habang naglalakad kami papunta sa villa, biglang napansin nina Riza at Mark ang isang malaking signage malapit sa entrance ng resort.
"Uy, ang ganda ng signage nila!" tuwang sabi ni Riza habang tinuturo ang malalaking letra ng pangalan ng resort.
Sa gitna ng luntiang landscape, naroon ang nakatayong konkretong pangalan ng resort—CASABERDE—malalaking puting letra na eleganteng nakapwesto sa harapan ng dagat, napapaligiran ng makukulay na bulaklak.
Habang pinagmamasdan ko ang pangalan ng resort, doon ko lang napansin ang kakaibang dating nito sa akin. Hindi ko maipaliwanag, pero parang may kung anong pamilyar na pakiramdam
