“Enzo, good evening hijo,” bungad sa kanya ni Janet, ang ikalawang asawa ng Papa niya.
Nakatayo si Janet sa may foyer, nakangiti pero may lungkot sa mga mata.
“Good evening ho, Tita,” magalang na bati niya. Yumukod siya nang bahagya bilang paggalang.
“Enzo, I'm sorry sa nangyari sa Mama mo. Nakakalungkot ang biglang pagkawala niya,” malungkot na sabi ni Janet at hinawakan siya sa balikat. Pinisil ni Janet ang balikat niya.
Tumango naman siya. Naging mabuti naman sa kanya ang madrasta. Tinuring siyang tunay na anak nito nang magsama ito at ang Papa niya. Wala pa itong mga anak noon. Kahit magpa-hanggang ngayon na may dalawang anak na ito sa Papa niya ay hindi pa rin nagbabago ang pagtrato nito sa kanya. Kaya naman ginagalang din niya ito at pinakikisamahan nang maayos.
“Salamat na
