JAYDEE
Minabuti kong mag-stay na lang muna sa opisina ni Lucas. Ngunit pumunta ako rito sa opisina niya na walang kasiguruhan kung paano ko siya normal na pakikitunguhan katulad ng dati.
Nang malaman ko ang nangyari ng nagdaang gabi ay parang gusto ko na lang maglaho na parang bula. Nakakahiya pala ang ginawa ko. Hindi ko alam kung ano ang pumasok sa utak ko at nasabi ko iyon. Ang lakas pa ng loob ko magpakita kay Leeson at ngayon, heto ako, kasama si Lucas.
Bago ako pumunta sa opisina ng kaibigan ko ay dumaan muna ako sa bar ni Leeson. Alam ko na nandoon siya dahil nag-aayos ito para sa pagbubukas nito mamayang gabi. Bihira na lang naman kasi ito umuwi sa condo nito dahil may sarili itong tulugan sa bar ayon na rin sa kuwento ni Lucas.
Nahihiya man ako magtanong ay naglakas loob na
