JAYDEE
Napansin ko ang benda sa kanyang kanang kamay. Nakuha niya siguro iyon sa basag na bote na nakita ko sa sala kanina.
"Kumain ka na ba?" tanong ko. Binaliwala ko na lang ang nakita kong reaksyon sa mukha niya kahit nagsimula na akong kabahan. Kinalma ko ang aking sarili. Ayaw kong isipin niya na natatakot ako sa kanya.
Napansin kong magulo ang kwarto niya. May mga canned beer din na nakakalat sa sahig. Maging dito sa loob ng kuwarto niya ay nanuot ang amoy ng alak. Ano ba ang ginawa niya ng mga nakalipas na araw? Bakit ganito kagulo ang condo unit niya?
Minabuti kong buksan ang ilaw at para pagbuksan na rin si Josa. Hindi ko kasi kayang maiwan rito mag-isa kasama siya. Ngunit hindi pa man ako nakakalapit sa pintuan ay marahas na niya akong hinila palapit sa kanya at hinapit sa
