JAYDEE
Kanina pa ako nakatanaw sa labas ng shop. Hinihintay ko dumating si Lucas dahil sabay kaming pupunta ng ospital para dalawin ang lola nito. Malapit na rin lumabas si Lola Amor dahil maayos na ang kondisyon nito pero kailangan pa rin itong tutukan para sa tuluyang pag-galing nito.
Nitong mga nakalipas na araw ay naging maayos na ulit ang samahan naming dalawa ni Lucas. Ayaw ko na gumawa ng dahilan para magkatampuhan kaming dalawa. Pakiramdam ko kasi ay ako ang unang gumagawa ng move para magtalo kaming dalawa. Sa tuwing naiisip ko iyon ay natatawa na lang ako. Para kasi akong bata sa inaasta ko.
Saka lang sumagi sa isip ko na sa dami ng ginawang kabutihan sa akin ng kaibigan ko ay wala akong narinig na panunumbat mula sa kanya. Kusang loob niyang ginawa iyon dahil kaibigan niya
