JAYDEE
Nagdadalawang-isip ako kung sasagutin ko ang tawag niya. Nanatili lang akong nakatingin sa screen ng aking cellphone. Gusto ko gumanti sa pambabalewala niya sa tawag ko. Bahala siyang magsawang tawagan ako.
Mayamaya lang ay tumigil sa pag-ring ang phone ko. Naghintay ako na tumawag siyang muli ngunit nakalipas na ang ilang minuto ay hindi na siyang tumawag pang muli.
Hindi ko maiwasan ang madismaya. Hindi naman siya tumitigil tumawag kapag hindi ko nasasagot ang tawag niya.
Huminga ako ng malalim. Hindi ko siya sinasagot dahil gusto ko lang naman iparanas sa kanya kung ano ang naramdaman ko ng hindi niya sinasagot ang tawag ko.
Nakahiga lang ako at nakatingin lamang sa kisame ng aking kwarto. Awtomatikong napasulyap ako sa pintuan ng bumukas iyon. Iniluwa niyon si Lucas, a
