JAYDEE
"Sweet cake, look. Ang cute mo rito," kumikinang ang mata na sabi niya habang titig na titig sa album na hawak.
Lumapit naman ako sa tabi nito at iniwan muna sandali ang aking ginagawa sa laptop. Linggo ngayon kaya pinasya na lamang namin na sa bahay na lang manatili para mas ma-enjoy namin ang araw na magkasama.
Gusto ko sana dalawin ang magulang ko pero ang sabi ni Lucas ay sa susunod na linggo na lang dahil gaganapin din ang birthday ni Lola Amor sa bahay ng magulang nito. Wala na akong nagawa kung 'di ang sumang-ayon.
Tinatamad din akong umalis ng bahay. Isa pa, napapadalas na ang pagkahilo ko. Mas nagiging worst yata ang nangyayari sa akin nitong nakalipas na mga araw.
Kung dati ay walang humpay ang kain ko, ngayon naman ay pipilitin ko lang kumain kapag kaharap ko si
