LUCAS
"Cancel all my meetings, Irma. May importante akong pupuntahan," may awtoridad na utos ko sa aking sekretarya.
"Eh, sir, paano po 'yong meeting ninyo kay Mr. Guevarra? Hindi po ba ay importante iyon?"
"You heard what I just said, Irma. Ako na ang bahalang magpaliwanag kay Mr. Guevarra."
"P-pero-"
"Bye," putol ko na sa usapan.
Nanlilisik ang mata na tinutok ko ang tingin sa daan. Nagtatagisan ang bagang at mariing nakalapat ang aking mga kamay sa manibela. Hindi na ako makapaghintay na dumapo ang kamao ko sa Tristan na iyon. Mukhang balak niyang sirain ang relasyon namin ng asawa ko. Pero hindi ako papayag na pumasok siya sa eksena. Bago mangyari iyon, dadaan muna siya sa ibabaw ng aking bangkay.
Mabuti na lamang at mabilis magtrabaho ang private investigator na kinuha ni
