JAYDEE
"Gusto ko rin sumaya, Lucas," sagot ko na diretso ang tingin sa kanya. Gusto ko malaman niya na seryoso ako sa sinabi ko.
"Bakit, masaya ka ba sa kanya?" balik tanong naman niya sa akin.
"Masaya ako, Lucas. Siguro ay naghanap lang siya ng atensyon sa iba dahil wala na akong panahon sa kanya. Kasalanan ko rin naman dahil nawawalan na ako ng oras sa kanya. Mas mahaba pa nga ang oras ko na kasama kita kaysa sa kanya eh," dahilan ko which is true at alam ni Lucas iyon.
Nawalan lang ako ng oras kay Albert ng magkaroon ako ng sarili kong shop. Nawala sa isip ko na hindi ko na pala siya napagtuunan ng pansin dahil naging busy na ako.
"Tang inang rason 'yan, Dee," anito dahilan para hindi ako nakahuma. Pakiramdam ko ay ibang Lucas ang nasa harap ko. Alam niyang ayaw kong makakarin
