JAYDEE
Nakatingin lang ako sa pintuan dahil inaabangan kong pumasok si Lucas. Hindi ko alam kung bakit pagkatapos kong sabihin sa kaniya na nagseselos ako ay dinampian lang niya ako ng halik sa labi saka nagpaalam na lalabas muna. Wala naman akong nagawa kung 'di tingnan na lang ang nakasarang pintuan sa pag-aakalang babalik siya. Pero halos mag-aalas dose na ay hindi pa siya bumabalik.
Nagkaroon tuloy ako ng agam-agam na baka hindi niya nagustuhan ang sinabi ko. Baka napag-isip-isip niya na ang lahat ng ito ay may dahilan. Kaya nga wala pa siya rito sa kuwarto dahil wala naman sa harap namin si Lola Amor dahil hindi niya kailangan magpanggap.
Baka hindi kami pareho ng nararamdaman. O baka kaya kakaiba ang mga gestures na pinapakita niya sa akin ay dahil ginagawa lang niya ang tungkuli
