JAYDEE
"Bakla, kanina ka pa tulala riyan? Okay ka lang ba?" pukaw sa akin ni Josa saka umupo sa tapat ko.
Kanina pa ako nakatingin sa labas ng shop. May hinihintay akong dumating na ilang araw ko ng hindi nakikita.
"Mukha ba akong hindi okay?" balik tanong ko rito saka alanganing ngumiti.
Muli kong itinuon ang atensyon sa aking laptop. Napangiti ako ng makita ko ang nakangiti naming larawan na dalawa ni Lucas. Ito pala ang pinagkakaabalahan niya ng buong maghapon ng nasa kanya ang laptop ko noong linggo. Ginawa niyang wallpaper ang picture naming dalawa na dati ay anime ang nakalagay. Marahil ay isa isa niyang tiningnan ang files ko kung saan nakalagay at nakatambak ang sandamakmak naming larawan.
Naalala ko ang araw na ito. Ito ang araw na birthday ko bago ko sinagot si Albert. Ni
