VIA’s POV
Natapos na ang meeting. May mga importante lang na sinabi si Ma’am Janice.
Pina-serve na ang dinner. Busog pa ako. Kakatapos lang namin mag-heavy snack ni Kadax bago kami umalis sa bahay.
Nagpaalam na lang ako kay Ma’am Janice.
“Ma’am Janice, hindi na po kami makakasabay sa dinner. May importante pa po kaming gagawin ni Kadax.” Mali yata ang sinabi kong dahilan.
Ngumiti si Ma’am Janice. Tiningnan din niya si Kadax.
“Hmm, alam ko ang gagawin ninyo. I’ve been there,” saka siya humagikhik. “Ate na lang, Via. Napakapormal naman ng Ma’am. Ate mo na rin naman ako, ninyo ng mister mo. Sige, hindi ko na kaya pipiitin. Alam ko naman. Mas may masarap kaysa rito sa mga nakahain.” Hindi ko na kinontra ang sinabi ni Ate Janice.
Mas may masarap pa palang ibang ‘pagkain.’ Napangiti ako s
