VIA’s POV
Anong uunahin kong indahin? Ang katawan ko na masakit, lalo na sa pagitan ng mga hita ko, o ang galit ni Lolo Cirilo?
Nangyari ang hindi dapat dito sa loob ng bahay niya. Naabutan niya kami ni Kadax na kapwa walang saplot. Malabong hindi niya isipin na may nangyari sa aming dalawa.
Kapag galit si Lolo, hindi ko alam kung madadaan ko pa siya sa lambing. Baka mas lalo niya akong itaboy dahil alam niya kung ano ang ginawa namin. Noong mahuli niya kami ni Kadax na naghahalikan, hindi niya ako pinahalik sa kaniyang pisngi dahil amoy Kadax na raw ako. Paano pa ngayon na hindi lang ganoon ang ginawa naming dalawa?
Hindi ko makitaan ng takot si Kadax, o itinatago lang niya sa akin? May kasalanan din ako sa nangyari, alam kong tinanong niya ako kagabi pero ang katawan ko ay hindi tuma
