Kahit gaano mo pa kamahal ang isang tao, kahit ginawa at ibinigay mo na ang lahat sa kanya kung sadyang hindi siya nakalaan para saiyo ay darating at darating ang araw na kakailanganin mo siyang bitawan at palayain.

Masakit tanggapin pero minsan ay  kailangan mong magparaya kung alam mong wala nang magandang patutungunan pa  ang inyong pagsasama.

Masakit pero minsan ay kailangan mong bumitaw kung alam mong nagkakasakitan na lang kayo.

Darating ka sa puntong iisipin mong may kulang sa'yo kaya ka niya nagawang lukuhin at  ipagpalit.Ang masakit sa lahat ay ang bagay na akala mo ay hindi mo kayang ibigay sa iyong asawa pero nagawang ibigay ng iba.

Ngunit ang pinakamasakit sa lahat ay ang pangarap na sabay niyong binuo, matutupad niya kasama ang iba.

Anong gagawin mo kung malalaman mong mula pa sa simula ay niluluko ka na ng lalaking nagparamdam sa'yo ng pagmamahal?

Makakaya mo bang magparaya at ipaubaya na lang siya sa iba kung siya na lang ang mayroon ka?