Sarah
"Ma'am, ayos lang po ba kayo?" narinig kong tanong ng driver. Mabilis kong pinunasan ang mga luha sa pisngi ko at saka pinilit na ngumiti sa kanya. Nakikita ko ang pag-aalala sa ekspresyon nito kaya mas pinalawak ko pa ang mga ngiti ko.
"Ayos lang po ako, kuya. Alis na tayo," tugon ko sa kanya na may pilit na ngiti. Kaagad siyang napatingin sa malaking pintuan ng bahay bago bumalik sa akin ang nagtatanong niyang mga mata.
"Ma'am, nasa loob po si sir. Hindi ba natin siya hihintayin?" dagdag pang tanong niya. Umiling ako ng umiling bilang sagot sa kanya. Kapagkuwan ay lumingon ako sa pintuan ng bahay kung saan ko pinutol ang lahat ng ugnayan ko sa kanyang pamilya.
"Hindi na ho. Alis na tayo," mahinang sagot ko na hindi man lang tumingin sa kanya. Nanatili ang mga mata kong n
