MATAPOS maisuot ang itim na ankle strap heels. Tumayo si Ataska sa harapan ng salamin upang pagmasdan ang sarili. Sa suot niyang beige off shoulder dress higit na lumutang ang kaputian niya. Litaw ang perpektong leeg at balikat maging ang kaunting likuran, hapit na hapit rin sa bandang beywang at pabuka ang malambot na tela paibaba hanggang kalahati ng hita.
Sinuklay niya ng mga daliri ang hanggang balikat na buhok saka iniipit sa likod ng tainga ang magkabilang gilid. Inabot ang facepowder na nakapatong sa malapit na night table, naglapat ng kaunti at isinunod ang nude lipstick na matagal ng regalo sa kaniya ni Margaux na ngayon lang niya ginamit.
She looks simple yet lovely. Malayo sa ayos niya noong gabi ng year end party. Mas komportable rin siya sa suot na dress ngayon kahit kasi g
