NAABUTAN ni Nicholo na naka-Indian sit si Gracie sa ibabaw ng kama habang si Katarine naman ay nakaupong muli sa tumba-tumba at naghahanap ng mapapanood na palabas sa Netflix.
“Daddy Cole!” tawag kaagad ni Gracie sa kaniya pagkapasok na pagkapasok pa lang niya sa kuwarto ng mga ito.
“Hi, Gracie,” bati niya rito saka hinaplos ang buhok ng bata nang tumayo ito at mabilis na lumapit sa kaniya. “Bakit nagising ka kaagad? Gabi pa, ah,” aniya saka napatingin kay Katarine nang tumayo ito.
“Nagpapatimpla siya ng gatas,” pakli nito saka sinalubong ang tingin niya. “Want some coffee?” tanong nito in a formal tone.
“Sige, salamat,” tugon niya habang marahang tumatango at saka bumaling kay Gracie na noon ay umupo sa tumba-tumba at siya namang naghanap ng mapapanood na cartoons sa tv. “Kaya mo bang
