KUNOT-NOONG tiningnan ni Nicholo sina Katarine at Tony nang pagbuksan niya ang mga ito ng pintuan na obvious na ipinagwalang-bahala naman ng dalawa.
“Stay here, Kata. I need to get back downstairs,” wika ni Tony pagkahatid nito sa dalaga saka ibinigay sa kaniya ang dalawang mug ng kape habang si Katarine naman ay mabilis na pumasok sa kuwarto at ibinigay ang maligamgam na gatas kay Gracie.
Mabilis niyang ibinaba ang isang mug sa ibabaw ng cabinet na malapit sa pintuan at saka nagpaalam sa mag-tiya habang tangan ang isa pang mug. “I’ll be right back,” aniya bago mabilis na lumabas at tinawag si Tony.
“Tony!” kuha niya sa atensyon ng kaibigan na noon ay naglalakad sa pasilyo papunta sa may hagdanan. Ngunit tila ba hindi siya nito narinig kaya agad niya itong hinawakan sa braso gamit ang i
