PAGKATAPOS maghugas ng mga pinagkainan ay muling lumabas si Nicholo para ipagpatuloy ang naantalang pagse-survey sa kabuuan ng bakuran ni Katarine. Kailangan niyang makasigurado na walang kahit na anong lihim na lagusan na maaaring maraanan doon katulad ng nangyari sa mansyon sa Maynila.
Pagkatapos niyang i-check ang nasa unahang bahagi kung saan sila nagpunta ni Gracie kanina ay ang magkabilang gilid naman ang siniyasat niya. Mataas ang mga bakod na bumubukod sa magkabilang bahagi ng lupain ni Katarine at bukod sa may barb wire din ang itaas na bahagi, mayroon ding bubog doon kaya siguradong mahihirapan ang kung sino mang aakyat doon.
Habang papunta siya sa may ilog na nasa likod-bahay ay tumunog ang telepono niya. It was Tony. Umupo siya sa upuan na inupuan nila kanina ni Katarine at
