MATAMANG nakatutok ang mata ni Nicholo sa daan habang nagmamaneho pabalik ng mansyon. Sa police station kasi sila dumiretso kung saan sumunod rin ang ilang opisyal at guro ng eskuwelahan ni Gracie para mag-file ng report tungkol sa nangyari sa paaralan kanina. Sumunod rin si Dylan doon nang tawagan ito ni Katarine kanina habang nasa sasakyan sila patungo sa istasyon.
Binigyan kaagad sina Katarine ng dalawa pang karagdagang pulis na magbabantay sa mga ito habang on-going pa ang kaso. Katulad ng ginawa ni Dylan ay sumunod rin ang mga ito sa sasakyan nila pauwi ng mansyon.
Pagdating nila sa mansyon ay mabilis nilang pinapasok ang mag-tiya sa loob at saka inihatid sa kuwarto nito kasama si Dylan. Iginala naman nila ang dalawang pulis na makakasama nila sa pagbabantay roon na sina Jimenez a
