Episode 39
Dominic `Dona’ Nambria’s POV
“Everyone, this is my gorgeous girlfriend, Dominic Nambria Pacion.”
Laglag ang panga nila Katty sa inanunsyo ni Paul. Ibang lebel ang pagkagulat nila dahil halos pasukan na ng langaw ang bibig nila pero bilib pa rin ako sa kanila kasi nagagawa pa rin nilang maging maganda kahit na nakanganga sila.
“S-seriously?” hindi makapaniwalang tanong ni Katty sa akin.
Unti-unti ay nag si-sink in sa utak nila ang sinabi ni Paul at sabay-sabay na napatango sa akin.
“Kailan pa ‘to? Bakit hindi mo man lang sinabi sa amin?” sunod-sunod na tanong sa akin ni Cy.
“Alalang-alala pa naman kami sayo tapos boyfriend mo na pala ang lokong ‘to,” dagdag naman ni Alexie.
“Alam mo na sila na, Mikee?” tanong naman ni Francesca sa boyfriend niyang nakatayo sa likuran niya
