البارت 5-7

4681 Words

#البارت الخامس فيد عبد الله رين،،دنكت وغرغرت عيوني هاي شبيهة عمتي اجتي جديتي بصفي وجرت ايدي ولبستني ملاوي (سوارات)ثنين وبوستني وهمست الجدة صالحة،،اذن الطرشة يجدة الاذن الطرشة ريم،،عرفت سمعت عمتي شوية هدأت وطلعن واني مددت تعبانة ونعسانة ما ادري بروحي غفيت فزيت نص الليل نايمة عالجرباية متغطية والضوة مطفي باقي خافت وريحة جكاير تخنك بالغرفة فزيت بخوفة عبالي شي محترك باوعت حمزة كاعد عالفراش الي بالكاع ومرجي ظهرة عالجرباية ويدخن التفت من حس بية كعدت باوعلي فرك كصتة وسحب نفس من الجكارة وطفاهة بالنفاضة بعصبية ضليت بمكاني متشنجة كعد عالجرباية تن*د شوية ورجع كام دخل للحمام سبح وطلع لاف روحة بالمنشفة لبس بجامة بس وانطاني ظهرة ونام شبي ياربي ما افهم شبي حمزة،،دخلت للغرفة والكاهة نايمة بعمق وشعرهة عالمخدة وبلا غطة ياربي شهالورطة مااريد اتقربلهة بعد اخاف عليهة بس هم انة مو نبي شلون بية ضليت بلساعتين الوب واسحك جكاير صراعات بعقلي راح يوكف على ساعة اول مرة استعجل بشي ويمكن هالاستعجال خلاني مااحسب الشغلة عدل لا حمزة مو انت التوكع وما تتحمل كرب مرة بهشكل، ،حسيت بيهة كعدت باوعتلهة تباوعلي جنهة بزونة شعرهة نازل وعيونهة كوة مفتحتهن كمت ردت اخذهة لحضني بس وكفت باخر لحظة مااعرف شبية اريدهة ومااريدهة شي بية متندم وشي ثاني متلهف بس ما تحملني ما تحمل لهفتي كمت سبحت اطفي هالنار ورجعت نمت بدون ماافكر ابد بس وين هي تخلي واحد ينام غفيت ووجه الصبح حسيت شي لازك بضهري التفتت لكيتهة محشوكة بظهري ولامة روحهة مثل الجهال ونفسهة هادئ يضرت بضهري ومالابس فانيلة ديلا هسة شينومني على هالمنظر هنا وماتحملت بعد زوجتي وحلالي وكاظ روحي واعارك بيهة عليمن بديت اتقربلهة وحست علية كعدت مرتبكة همستلهة متوجعة هزت راسهة بنفي هذا انطاني الامان اتقربلهة بلا خوف كملت ودخلت سبحت وصليت ورجعت نمت وهي نايمة جانت ما حسيت الا عالباب تندك فزيت ونفس النومة هم ململمة روحهة وحاشكة روحهة بية شلون نومة هاي صحت منووووو سمعت صوت امي ام حمزة،،يلا يمة كووم العالم بالمضيف يباركون وانت مكابل المسعدة حمزة،،يمةةةةة صبحج الله بالخير كولي ياالله وحضرولي ريوك التفتت ريم كاعدة ولافة روحهة بالغطة وعيونهة مغرغرة واني من اكعد شلون دمي ينكط عسل وامي شلون مداهمة صباحية وهاي تتلاطم مدمعة نترت بيهة،،شبيج راح تموتين ريم،،هزيت راسي باشارة نفي ودنكت حمزة،،انتي شنو خرسة ريم،،لا بس ...... ودنكت حمزة،،كومي بدلي وطلعي كعدي يمهم مو تضلين بالغرفة خاتلة اريدج تتعودين عالبيت هذا بيتج بعد ريم،،تتدلل حمزة،،همست بخجل وابتسامة تدوخ روحت كل عصبيتي مال الصبح نومتهة وهستوني اتقربلهة وردت الباب اندكت ام حمزة،،يلااا يمةة شجاااك مضيفك كلة خطارر حمزة،،جااي يمة شسالفة واسمع صوت جديتي يم الباب الجدة صالحة،،جان استحيتي يالغبرة عرسان وواكفتلهم عالباب غربة البلمضيف عمامة ريم،،اسمع صوت جديتي ومي بارد ينزل على كلبي دومهة جديتي ما ترضة عالشغلات العوج فززني صوتة حمزة،،شبيج تضحكين رين،،لا ما اضحك والله حمزة،،ريم باعي،،،،تن*دت حتى ابرد اخذتج صغيرة وكلهة كالت متفيدك جاهلة بس دكيت ص*روكلت ما تطلع منج العيبةعبن اعرف ربات عمي وعلي شنو،،، كل الراح تنسينه سوالف الزعاطيط وحركاتهم وكلشي،،،،ومن الجاي تخلين ببالج انتي مرت الشيخ حمزة اريدج تحملين الكل الصغير كبل الجبير وامي وابوي عندي بالدنيا تشيليهم على راسج لو طلبو شي وانة طلبت تعوفين شغلتي وتكضين شغلتهم واعرفي بيتي ومضيفي مفتوح للكل مااريدج يوم تشكين لو تحجين بتعب لو عزال هذا بيتي واظل بي للموت وكل اليجي هلة بيه بوجه يضحك يابنت عمي سويتيهن احطج مو بس بعيني فوك راسي هم، لا والله ما حشمتيني وتصرفتي غلط ذيج الساعة الحجي يوجع والفعل يوجع اكثر،فيد عبدالله، ريم،،بلعت ريك بخوفة وكتلة راسك مرفوع دوم انتة شتأمر يجرالك شيخ حمزة،،لا هنا انة مو الشيخ انة رجلج شعندج شبكلبج شتفكرين شمضوجج احجيلي بلا كل خجل انة سترج وحلالج بس برة لا اتصرفي انتي مرت الشيخ وكدامج الشيخ مفهوم يا بنت عمي ريم،،مفهوم،،اكوم احضرلك الريوك موو حمزة،،علواه كومي البسي وحطي حجابج وطلعي حضريلنة ريوك الله يرضة عليج ريم،،اي تتدلل،،رحت بدلت وحطيت كحل وحمرة خفيفة ولفيت شالي والتفتت عليه يلبس بدشداشتة ،فيد عبدالله،ها هاي هية هيج اطلع لو اغير شي حمزة،،لا روحي هاي هي ريم،،مشيت اطلع وصاحني حمزة،،اوكفي هسة نطلع سوة، ،اعرفهة تستحي واكيد كلهة ملتمة بالصالة ريم،، طلعت اني وياه سوة بس جنت حيل مستحية و بالصالة الولد والبنات وجديتي كامت عمتي فرحة تهلهل دنكت راسي وسلمنة عليهم واشرلي حمزة براسة عالمطبخ فتت واجتي وراية فاطمة اختهم فاطمة،،ها ريمة شتسوين ريم،،ريوك النة متريكين مو فاطمة،،اوه من السبعة وردينة جعنة اكعدي عروس وتسوين الريوك انة اسوي ريم،،لا سوة حمزة كاللي فاطمة،،فدوة لحمزة اليوم حتى وجهة متفح ريم،،نصيت خجلانة وبلشت اسوي بالريوك طكيت بيض عيون واكو مسلوك وكاهي وكيمر وخبز حار وحضرت الاستكانات وخليت زايد استكانات خاف احد ياكل والشكر خلص فاطمة،،انطيني اترس من المخزن ريم،،طبت فاطمة للمخزن بداخل المطبخ جان ،،وجان تطب عمتي ام حمزة،،ها خية شو من اول يوم اشوفج اخذتي راحتج وطابة للمطبخ بكيفج تطبخين لا عبالج مرت الجبير ام البيت انة ام البيت هنا ريم،،تبلعمت وكوة نطقت اكيد عمة انتي ام البيت كلة والخير والبركة ام حمزة،،انة شايفة العرايس عندهن خجل مستحة انتي زايحتهن كلهن فاطمة،،يااا يمة شجاج وية البنية شسوت هو حمزة كاللهة جا متكيف هي عروس وتتدلل ام حمزة،،انتي انجبي الثانية فاطمة،،رحم الله والديج يمة، ،اخذي الصينية ريمة لاحكتج بالجاي ريم،،عزة متت من عمتي ونضراتهة ابد ما شايفتهة هيج ابد كدامنة شكل ثاني اخذت الريوك ونهض حمزة اخذ مني الصينية وخلاهة بالكاع الجدة صالحة،،جدة تريكوا بغرفتكم بعدكم جداد حمزة،،لاجدة ما تنبلع اللكمة اذا مااباوع بوجهج الجدة صالحة،،يا بعد طوايفي الله يحرسك ويحفظك لشبابك ابراهيم،،خو الدعاوي الحلوة بس لحمزة الجدة صالحة،،غير هذا حميزة الروح والرية حمزة،،جدة رحمة للماتوا حميزة عوفيهة ريم،،باوعلي ابتسم على دلع جديتي ونكارتهم دنكت مرتبكة وبهالهوسة اجتي فاطمة جايبة الجاي والاستكانات وبلشت تصب وهي وجهة احمر وكوة كاتمة بجيتهة مااعرف شكالتلهة عمتي وراي وحمزة ملتهي ماانتبهلهة كملت الصب وكامت لمت غراضهة وصاحت جهالهة تريد تروح ،فيدعبدالله،لبيتهة وعمتي طبت وراهة للغرفة تحجي وياهة عقد حمزة حواجبة ماعاجبة الوضع وحس اكو شي شاورني شمالهة فاطمة همست بارتباك هاا ماادري اكوم اشوفهة حمزة،،لااا عوفيهة هي وامي اتعلمي لا تدخلين روحج بكلشي اليريد يحجيلج يحجي منة ومن كيفة ريم،،صار الجدة صالحة،،الف الحمدلله والشكر عشت وشفت حميزة يتسامر وية مريتة ويتبشبش ريم،،يبووو ياجدة تحجيهة لزك بلزك هو ابتعد وماحجة كلمة بس عيونة تباوع لجديتي وهي تضحك وتهز بايدهة ،فيد عبدالله،كمل اكل وماشاء الله ياكل بس ميبين عليه مصفوط رشيق راح غسل واني لميت الاستكاين ودنكت اشيل الصينية ومااحس الا صوتة وراي ينتر بابراهيم حمزة،،ابراهيم كووم شيل الصينية،تعاي حضريلي هدوم ريم،،دخلت للغرفة جان واكف ومجتف اديه ورة ضهرة تقربلي واني دنكت افرك بايدية حمزة،،هاي اخر مرة تدنجين جدام احد انة مانع اي مرة هنا تدنج تشيل صينية لو شي جدام الولد ريم،،صارر،،راح عالميز نزع محبسو وحلقتة وهو يحجي، ،انوب منطيتهم ضهرهة استغفرك ربي ،،رحت للكنتور احاول الهي روحي طلعتلة دشداشة بيجي وغترة نسقتهة وياهة والساعة ومحبسة وتكرمون شحاطة جوزي طلع يفرك بشرة بالمنشفة ومنشفة على خصرة درت وجهي خجلانة والتهيت اعزل بالغرفة ورتبهة حمزة،،يلا كملتي نطلع سوة ريم،،اي، ،طلعت كعدت يم جديتي وشوية واجني كرايب يباركن، الظهر دخلت اصلي ومن التعب غفيت عالجرباية حسيت على ايد دافية تتلمس وجهي فتحت عيوني حمزة كبالي حمزة،،احم،ليش نايمة بيج شي ريم،،لا صليت ونعست كلش نمت شوية هسة اكوم اطلع يمهم حمزة،،لا كملي نومتج ومن تكعدين تغدي انة راح اتغدة بالمضيف ريم،،اي براحتك ودنكت ضايجة ششفت منك وحتى تاكل يم الخطار من كعدنة وانت رحت يمهم طبعا احجي وي روحي والا جبانة وياه ماانطق حرف،،،لليل مااكلت شي حتى بالعشااستحيت اكل كم لكمة وكمت،،،دخلت لغرفتي بدلت واتعطرت غير عروس وتنتظر رجلهة هسة يجي هسة يجي ماكو دكت ال12وهو ماكو اكو عريس شارد من مرتة هيج بالله شتكول العالم صدك استهضمت وبجيت بحركة من طلع من الظهر ما مر ولا شفتة اكو عريس هيج شارد مجبور بية شنوو،،،كمت طفيت الضوة ومددت واسمع صوتة هو والولد بالصالة صار،، شكد ضايجة منة شو كمت اختض من سمعت صوتة ،، دخل بدون ما يشعل الضوة عالضوة الخافت بدل وكعد يدخن فتح الشباك وهو يطل عالبستان الورة البيت وكف بالشباك يدخن وحدهة دموعي كامت تجري شبي مو طايقني هيج شسويتلة طلعت شهكة مكتومة من عندي حس عليهة سد الشباك واتقرب شال الغطة عن وجهي همس بارتباك حمزة،،احم،،شبيج ريم،،بقيت ساكتة ودموعي تنزل غمضت حيللل وزادت شهكتي حمزة،،شبيج ريم خوفتيني ريم،،اخاف اكلة ضايجة منك خاف يعصب كتلة اشتاقيت لامي حمزة،،بس هاي السهلة باجر اوديج عليهة امسحي دموعج ،،جاوبتني واعرفهة تجذب هي ضايجة مني وحقهة تضوج بس شسوي خفت عليهة ومحمد اخاف ااذيهة بلهفتي ونشوتي كرجل وهي بعدهة طفلة جانت طفلة حتى بجسمهة استعجلت كلش انة كلللش ما حسبتهة عدل ابد هالمرة، ،،،،،يتبع #البارت_السادس فيد عبدالله ريم،،كعدت الصبح قبلة واساسا مااعرف شلون نمت كل الاتذكرة من التعب غفيت ومن البجي حسيت على اديه محاوطتني ولامني لحضنة ابتعدت عنة مقهورة من تصرفاتة ما فكر يلمني لحضنة ساعة الشافني ابجي كمت غسلت اباوع عيوني مورمة اكو عروس هالكد تبجي سبحت بمي بارد يريح جسمي وبدلت وتمكيجت وحضرتلة ملابسة وطلعت جديتي وعمتي فرحة بالصالة الجدة صالحة،،ياهلا بهالصباح تعاي يم عيون احبنج بس حميزة شابع ريم،،جدددة،،كعدت يم جديتي وعمتي فرحة تباوعلي وتبتسم عمتي هاي نفس طبعي احسهة واخاف لا حضي يطلع مثل حضهة انخطبت لواحد وطلع موخوش وطردوه اهلهة وكالولة مالك مرة عندنة وتالي تزوجت واحد طيب وادمي ومداريهة ويحبهة وسنتين وياه ما حبلت تالي استشهد بحرب ايران ورجعت لبيت جدي تركض وتخدم وتداري ومحد راضي لوماعمي واكف للكل مايقبل احد يحاجيهة كلمة كامت عمتي للمطبخ وجديتي شاورتني الجدة صالحة،،شبيهن عيونج وارمات ليش باجية ياهو وياج ريم،،هااا محد جدة شبيهن قابل الجدة صالحة،،ولج اعرفج تجذبين وباجية شمسويلج حميزة ريم،،لا جدة مو هو اشتاقيت لامي واخوتي الجدة صالحة،،اليوم ادزلج عليهم يابعد طوايفي ريم،،مو مايصلح جدة للسبعة الجدة صالحة،،اي عود شوفي خوانج وامج تجي بالسبعة ريم،،علواه جدة راح يطك كلبي ام حمزة،،خيرر يا طيرر عليش يطك كلبج جا اذا هيج تحبينهم« شكو عفتيهم الجدة صالحة،،جا تبطل ما تعرس كل بنية مكانهة خالي ببيت ابيهة وتتعود بالايام اشوفج كابلتي امج وابوج وكعدتي ام حمزة،،لا ياعمة ما كابلتهم بس ما تعايرت عليهم الجدة صالحة،،انهجم بيت العدو ولج شكد نعيتي بباب اهلج من اخذناج ولوما ابوج يزكح بيج ويمشيج جا نمنة بباب اهلج ام حمزة،يبووو ياعمة اروح اشوف جدري ابركلي الجدة صالحة،،اي اشردي من الحگ اشردي،،كومي جدة اتريكي وكعدي زلمتج يتريك وياج ريم،،هو يكعد جدة الجدة صالحة،،لا احركي انتي كعدي ريم،،احضر الريوك جدة الجدة صالحة،،معليج عروس لاحكة عالكراب هسة عمتج فرحة تجيبلكم الريوك للغرفة روحي لغريفتج وسدي بابج ريم،،كمت للغرفة وعمتي واكفة بباب المطبخ ماعاجبهة هزت ايدهة وطبت للمطبخ اووف الله يهديج ياعمة، ،دخلت حمزة ماكو بفراشة وصوت الدوش بالحمام مفتوح كعدت عالجرباية وودكت الباب عمتي فرحة اخذت الريوك واتشكرت منهة وخليتة بالكاع ،فيد عبدالله،وكعدت انتظرة طلع ينشف ب*عرة باوعلي وكال صباح الخير رديت عليه وكمت اصب بالجاي حمزة،،شعجب هنا جايبتة مااحب اكل بالغرف ريم،،جديتي كالت حمزة،،لا اخذي للصالة شني الغرفة للنوم للاكل ريم،،اي هسة كمت بملل شدعوة هيج قدر بعدني عروس واستحي اخذتة للصالة وهو طلع وراي اخذت الجاي حميتة وعمتي وراي تنغط (اي ما يتحمل يكابلج ويكعد استعجل وما يتعاند)،،وديت الجاي صبيت بس مااشتهيت العسل بعد هالحجي السم شربت بس جاي وهو يتريك ويسولف وية جديتي وهي تسولف وياه وتباوعلي كام غسل واني شلت الصينية وكمت عزلتهة وغسلت المواعين شوية باقي كاهي قطعة صغيرة بس وياه كيمر وعسل كلت منو ياكلة هذا قطعة مابيهة لكمتين والله شلتهة وذبيتهة وغسلت الماعون اجتي عمتي باوعت بالسلة لو صار انتقام ام حمزة،،صخام بوجهي هاي ليش هيج الزاد والنعمة بالزبل شهالبطر والعفة اكلبيهة بينة بعد نعمة ربج بالزبل لا عود لزمتي البيت وانتي مرت الجبير ومرت الشيخ يا صخام حضي بهالجنة ريم،،هي تحجي واني صارت دموعي تنزل وصوتي كالعادة ميطلع شكد اكره هالحالة بية لزمتني دوخة انسطرت كوة واكفة غمضت عيوني حيل وهي تنتر اي غمضي عود ما عاجبج الحجي حمزة،،شكووو يمة شصاير صوتج وصلني للحوش برة شكو ريم شبيهة امي ام حمزة،،مرتك مرت الشيخ التلم بيتة وخطارة ذابة نص الزاد بالزبل حمزة،،استغفرك ربي،،،ماصار شي يمة علميهة مو صياح وعياط مو هيج يمة مو هييييج ريم،،ما سمعت شي ولا اشوف شي رأسا وكعت من طولي حمزة،،الله الله رييييم ريم،،ما حسيت الا على رشة مي بااارد بوجهي شهكت حمزة بوجهي شايل كلاص المي وجديتي خلاة راسي بحضنهة وعمتي فرحة تبجي وتمسح بوجهي ومرت صادق حماية،فيد عبدالله، وحمواتي كلهة ملتمة فوك راسي حمزة،،هاا شيوجعج ريم،،مابية شي بس دخت شوية الجدة صالحة،،توكعين ياجدة شلون ما توكعين وانتي على ريوك البارحة لا غدة لا تعشيتي لا تريكتي وية زلمتج ريم،،مااشتهي حمزة،،تكومين للغرفة ترتاحين ريم،،اي كايمة كمت وسندتني عمتي فرحة وهو يمشي ورانة دخلت مددت وهدومي منكعة شكد ذابين علية مي لعد كلت لعمتي اريد ابدل حمزة،،عمة انة ابدللهة انتي تعبانة فرحة،،اي يا عمة جنة ضغطي تخربط من هبطتي عليهة حمزة،،هههه،يا ساتر نفتح ردهة اليوم فرحة،،لا ماكو شي يا عمة اروح اخدر نومي بصرة يعدل ضغطي واجيبلهة اكل حمزة،،وين ننطي وجهنة لو ماكو حنيتج هاي فرحة،،عمري فداكم يعمة يلا دير بالك على مريتك ريم،،طلعت عمتي واني ردت اكوم ابدل حمزة،،ضلي بمكانج انة اطلعلج ملابس ريم،،توجه لكنتوري وظل يكلب بس تالي طلع دشداشة ماروني ريم،،اروح للحمام ابدل حمزة،،وين بيج حيل عمي راح اغمض ريم،،دار وجهة وبدلت بساع حمزة،،كملتي ريم،،اي اجة كعد بصفي وسحبني وباس راسي حمزة،الصار اليوم امسحي بية امي صح نوبات تصيح بس ترد تتندم ،،،هذا يظل بيتج وانتي مرت الشيخ بس هم سايريهة وسوي التعلمج عليه ولا تراددين كليليوانة اتصرف ريم،،ما راددت وال.... حمزة،،اعرف اعرف سمعت كلشي شيصير حطيني كبال عينج ريم،،لخاطرك كلشي يهون ،،جابتلي عمتي فرحة صينية حمزة،،يلا انة رايح بشغلة بالمضيف ارد الكاج مخلصة الصينية كلهة ريم،،هزيت راسي وهي ابتسم دوخني بحنيتة وكلامة وطلع مدري اني فطيرة وبكلشي انسحر،ظل يروح ويرجع علية بيومهة وكل شوية جايبلي شي اكلة لليل اجوي خواني ومن شفتهم صدك ردت روحي ركضت لحضن علي وهو حضني وباس راسي علي،،يابوية هسة ردت روحي شلونج ريمتي ريم،،زينة بشوفتكم والله كاظم،،ولج عكبج متت جوع محد يذكرني بصواني تالي الليل ريم،هههه يا عيوني حسنين،، جعصتهة يجوز هسة حمزة يتعارك وياك ترجعلة مفصخة علي،،حسنين حسنين،،انعللسنة ومحمد ريم،،بقوا شوية وراحوا دخلت للغرفة وبدلت وفتحت شعري الي احسة تعبات من الميش كعدت اباوعلة مقهورة وصافنة عليه بالمراية وامشط دخل حمزة للغرفة قفل الباب ،وظل مرتجي عليةكه بايدة ارتبكت لنضرتة حجةبعد **ت طول شوية حمزة،،هي عادي اخوتج يبوسون بيج ريم،،هااا هو متعودة هيج حمزة،،اي ومو حلوة ،،، هالطبع ما يعجبني تزوجتي بعد مو تعجب السالفة ريم،،صارر حمزة،،ليش يسموج ريمتي خو ريم اسمج وشكدة شكبرة ريم،،همة من زمان هيج يسموني حمزة،،والله ما سامع كبل ريم،،دنكت بلا جواب يعني شكلة هوتقدم للميز واني ابتعدت عالجرباية اخاف منة لا يتعصب وثنزع ساعتة والمحبس وفتح دكم الدشداشة اخذ منشفتة وطب يسبح حضرتلة ملابسة ودك تلفونة شلتة هذا علي اخوية رديت عليه بلهفة ريم،،ها علي خوما صاير شي علي،،لا على شغل دكيت لحمزةوينة لعد ريم،،بالحمام هس......،،مااحس الا انسحب الموبايل من ايدي رد حمزة وهو بس بالمنشفة حمزة،، ها ابو حسين جنت اغسل ريم،، شوية وسدة واني مدنكة وجهي لان ما لابس حمزة،،ها هسة استحيتي من تكولين لعلي حمزة بالحمام مااستحيتي عيب يابوية،فيد عبدالله، شما تكون بينكم الميانة الحشمة مطلوبة حتى بالحجي ريم،،ما افتهمت كلامة وعليمن تعصب هيج،،جاوتة واني مدنكة وافرك ايدية ليش شكلت حمزة،،وتكلي شكلت ولج، ،استغفرك ربي يعني عرسان ويسبحون ليش شصار كلهة تفتهم صار شي وانتي اختة ريم،،فكيت عيوني على قصدة غرغرت عيوني،،لا ماقصدي شي والنبي حمزة،،ميخالف لازم توزنين حجايتج بعد مو اكلج سوالف كبل انسيهن هسة كل حجاية اوزنيهة بعگلج يلا تحجيهة مو تحجيهة چط ريم،،اي اي ما احجي بعد حمزة،،جاانتي لو ما تحجين لو تخربيهة من تحجين مو هيج يا بوية اتعلمي ريم،،صار حمزة،،ولا تتعلمين كل سالفة اعلمج عليهة نزلتي دموعج خلي دمعتج عزيزة مو لكلشي تطيح انة من اعلمج لخاطرج انتي اريد العالم كلهة تحجي بعدالتج وثكلج ورزانتج ريم،،اي ماا اعيدهة حمزة،،ريم لا تضلين بهاي طباعج الدنيا ينرادلهة صبر وعگل وانتي مو مرت ياهو الجان انتي مرت الشيخ حمزة وان شاء الله ام اسد اريدج مرة حوك ينشد بيهة الظهر تعرف تربي اولادي صح مو انوبة انة احير بيج وتكضيهة بكل سالفة بس بواجي ريم،،صار ان شاء الله،،ظل صافن بوجهي وهمس كومي طفي الضوة،بلعت ريكي وكمت طفيتة اجيت قريب للجرباية وسحبني وتقربلي بلهفة وشغف ويحاول يخليني اندمج وياه بحركات ما ميزتهم بعقلي الطفولي البسيط وكتهة غير قسوة وعنف ووحشية ما حسيت الا واني ادفع بي حيل وابجي لعبانة روحي حمزة،،شبيج شبيج ريم،،مااريد مااريد حمزة،،هاي هية ،،، هاي هية ريم،،كام سبح ورجع انطاني ضهرة ونام ريم،،فوكاهة هو اليزعل خررب بحضي كمت سبحت واني اندب بحضي من ورة الصار،فيد عبدالله، ما جنت افتهم شنو يعني علاقة زوجية شنو احتياجات الرجال الي لازم امليهة الجياة مو بس خدمة وشغل لازم احب كلشي وياه وابادلة لهفتة ورغبتة بية كانثى جانت الحياة عندي عبارة عن اخدمة واداريه ما دريت هالجانب هو اهم من كلشي منة ادخل كلبة ومنة اطلع منة واني بسذاجتي جانت العلاقة الزوجية عندي اشبه بواجب العسرية كوة اتحملة بدون اي مشاعر او تعابير هم واريدة بس ينزاح واخلص منة وشي مق*ف بالنسبة الي واستحقر حتى حمزة ورة ميتقربلي بس كالعادة احبس هالشي داخل قوقعة **تي الي عذبتني وسلبت راحتي ومااكلة عالاشياء التضوجني منة رغم يسالني دوم بس هم استحي احجيلة حمزة،،يوم عن يوم ريم تثبت عقلهة طفولي كلش ما توقعت هيج ابد او مو لهدرجة ،جانت شخصيتهة ضعيفة حيل ومتعرف توزن تصرفاتهة بس هم كلت ميخالف مرتي وبنت عمي واعلمهة على ايدي ما تتعلم تسوي الشغلة اسبوع وترجع تنسة وترجع لطبعهة والمشكلة الاكبر روحي تعلگت بيهة حيل يمكن حتى طفوليتهة حبيتهة لان ورقة بيضة جانت بس مو هيج خايف عليهة وين تعيش هاي منو يكول دايملهة انة مااريدهة تظل هيج انة لو علية مااخلي الهوة يمسهة اعزهة بعز روحي احسهة بنيتي هم حتى من جانت ترفض قربي منهة جنت انطيهة العذر واتحمل واسكت اكول ميخالف تكبر و تنضج اكثر وتجي هي تبادلني هاللهفة والحب وما كمت اتقربلهة الا كم مرة بالاسبوع حتى لا تضوج. وكل ليلة اسالهة شسويتي شكلتي شحجيتي واعلمهة لا هيج جان لازم تسوين هيج تكولين هيج تحجين.ومر على عرسنة شهرين وحبلت ريم غير جني انولدت من جديد بهالخبر من بشرتني جديتي دخلت للغرفة وانصدمت بيهة تبجي ريم،،مرت ايام زواجنة بتفهم جبير وصبر من حمزة الي ومني لعمتي وسمهة الما ينحمل بس جديتي ما تسكت وحمزة هم مايرضالهة ولو هوة كل عوجة وية اي واحد بالبيت ما يرضاهة بس هم ما اخلص وارجع اسولف لحمزة بجلسة استجواب تالي الليل اسولفلة شسويت كل اليوم وهو يكعد يعلم بية عبالك بنتة جنت احب هالعلاقة وياه اكثر من علاقة الازواج اشرد بيهة من نفوري منة ماشية حياتي حلوة واهلي بصفي امرلهم كل يوم شوية من اخلص شغلي وهم متسكت عمتي بس حمزة وعمي ما يقبلون تتدخل بس تذب حجي متسكت، ،كعدت بيوم الصبح بطني توجعني ونفسي تلعب. بوجهي للحمام ذبيت من راسي وهي كاطعتني الهة اسبوع شكيت بروحي حامل، ،،حمزة جان طالع بايت بغير محافظة بشغل هو وعمي سولفت لجديتي الجدة صالحة،، حبلة ومحمد وجهج صارلة شكم يوم مخطوف ومصوفر وانة اكول هالفرخة حبلة خابري حسيني يجيج وعمتج وياج روحي للمستوصف ريم،،وحمزة ما يدري شلون الجدة صالحة،،انة اكلة لو رد بسلامة جا تموتين وعو ننطرة يرد لليل خلي نبشرة ريم،،لبست ورحت لاهلي اني وعمتي فرحة لا كاني علي بباب المطبخ باوعلي وطفر سودة علية علي،،ها ريمتي شبيج شبيهة عمة شو لونهة مخطوف فرحة،،مابيهة شو كعدت تعبانة وحمزة مو هنا وصادق طلع وابراهيم نايم كلت ناخذهة للمستوصف هنا ام ريم،،اي يمة شغل سيارتك وانة البس عباتي واجي وياكم ريم،،رحنة وشو علي طلع بينة للستشفى فرحة،،ها عمة وين علي،،للمستشفى عمة احسن غاد ريم،،نزلنة ودخلت سولي تحليل وطلعت حامل طلع الجنت خايفة منة صدك مااريد حمل هسة هو اني بعدني حمزة يعلم بية شلون اربي جاهل واعلمة كلهة فرحانة الا اني كلبي معصور ومااكدر احجي رجعنة وبشرتهم عمتي فرحة وكلهة فرحت وتتبارك الاعمتي ام حمزة،،عاد مو تاخذيهة حجة وتشيلين ايدج من البيت تراه ما معلك بخيط الجدة صالحة،،الاغبر يظل اغبر طول عمرة ام حمزة،،شلون تهينيني جدام الكل علمود هالفرخة ومحمد ما كاعدتلكم بهالبيت بعد صرت جدة وانتي تهينين بية حدام الرايج والراد الجدة صالحة،،عبنج ما حاشمة روحج اخرتج كربت وانتي بسوالف المزعطة ضالة ام حمزة،،والله اذا انة اخرتي كربت انتي البكدج شابعين ماي ورد فرحة،، اسم الله على امي عنرهة ذويل تدعين على امي والله لاكول لاخوي عليج ام حمزة،،اصلا مسودنة اذا كعدت هنا اشبعن ببنتكم وخلنهة ام البيت هذا التدكن عليه من يوم طبتهة ريم،،اباوع لعمتي من كل عقلهة سوت هالفلم الهندي هذا كلة وعليمن وهي ما جذبت خبر البسي عباتج وروحي لبيت اخوج اجتي مرت صادق بصفي تهمس وهي تصير بنت عمتي ختام،،خفة وراحة كون لا رديتي ريم،،يا ختام عيب ختام،،اسكتي انتي العوبة شو مسوية العيشة زقوم بعد ايدي جدة ريم،،دخلت لغرفتي عدلتهة وطلعت للبيت طبخت عمتي فرحو واني وختام كملنة الشغل بس العجيب فد راحة وهدوء بلا عمتي جديتي شربت حباية ضغط ونامت كملت وطبيت سبحت هستوني امشط وفتح باب الغرفة حمزة وركض وهو مبتسم حمزة،،صدك السمعتة يا ريم صدك انتي حبلة ريم،،غرغرت عيوني وهمست اي وغطيت وجهي وكمت ابجي حمزة،،شبيج ليش تبجين ريم،،خايفة مااريدة مااريدة حمزة،،بلعت ريك،،هو شنو الما ترديه هذا رزق ربج وانطرة يشيل اسمي ريم،، ما اعرفلة اكيد ولااعرف اعلمة مااريدة حمزة،،اخذتهة لحضني، ،كافي كافي،،تعرفيلة اكيد وانة وياج وجديتي وابوي وامي الا وين امي ما شفتهة ولا سلمت عليهة اجيت بوجهي بس بشرتني جديتي تلكيهة طايرة هسة ريم،، هدأت بكلامة يعرف يسكتني طمني بوجودة احبة والله احبة بس مغصتني بطني من سأل على عمتي بلعت ريك، ،،،،هااا عمتي،،،يتبع #ﺃّﻟَﻐٌﺰِّﺃّﻟَﺔّ_ﻓِّﻲِّ_ﻋٌﺮﻳِّﻦِ_ﺃّﻟَﺄَّّﺳﺪِ ﻫﻮ ﻋﺎﺵ ﻓﻲ ﻇﻞ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻲ ﺍﻟﺒﺴﺘﻪ ﺛﻮﺏ ﺍﻟﻘﺴﻮﺓ ﻭﺍﻟﺠﺒﺮﻭﺕ ﻟﻴﻨﺸﺄ ﺗﺤﺖ ﻣﺴﻤﻰ ‏( ﺍﻟﺸﻴﺦ ‏) ﻓﻬﻞ ﻳﺴﺘﻄﻴﻊ ﺍﻟﺘﺤﺮﺭ ﻣﻦ ﺗﺒﻌﺎﺕ ﻫﺬﺍ ﺍﻻﺳﻢ ﻫﻲ ﺭﻗﻴﻘﺔ ﻛﺎﻟﻮﺭﻗﺔ ﺍﻟﺒﻴﻀﺎﺀ ﻻ ﺗﻌﺮﻑ ﻟﻠﻨﻔﺎﻕ ﻃﺮﻳﻖ ﻓﻬﻞ ﺳﺘﺴﻄﻴﻊ ﺍﻟﻨﺠﺎﺓ ﺩﺍﺧﻞ ﻣﻨﺰﻝ ‏( ﺍﻟﺸﻴﺦ ‏) ﺍﻡ ﺳﺘﻔﺮﺭ ﻫﺎﺭﺑﺔ ﻣﻦ ﺟﺤﻴﻢ ﻫﺬﺍ ﺍﻟﻌﺮﻳﻦ مساء الورد حبايبي اسفة عالتأخير جان عندي خطار،واعذروني البارت مو طويل اعوضكم والله #البارت السابع فيد عبدالله حمزة،،شبيج ريم وين امي ريم،،هاا عمتي راحت لبيت اخوهة حمزة،،شعجب مو بالعادة تطلع وابوي مو هنا احجي شصاير ريم،،هي وجديتي شوية صارت بينهن وزعلت عمتي وراحت لبيت اخوهة حمزة،،استغفرك ربي يعني امي صارت بيبية وبعدهة تطلع زعلانة شني من حجي هذا خل اروح لابوي وانتي تعاي وية مرت صادق صبن الغدة ريم،،طلعت للمطبخ واسمع صوت عمي وجديتي وعمتي فرحة تبجي وتحجي مقهورة وطبلهم حمزة سد الباب واختفى الصوت طبيت للمطبخ وختام واكفة تثرم خيار ختام،،اووف ربي نذر اوزع جكليت لوضلت هناك اسبوع ريم،،هههه ولج شبيج من راحت تدعين وتنذرين ختام،،ولج صارلج شهرين وشفتيهة شلعبت بيج مو انة صارلي ٣سنين متت ومحمد ريم،،ليش هيج ويانة ليش متحبنة مأذيهة بشي ختام،،خاب باع هلي العوبة تغلط بروحهة وتكول بينة شي لا حبوبة مابينة هي الماتنجرع ولا تنحمل وبالوجه مراية وبالكفة سلاية ريم،،كملنة الغدة ووديناه والتلموا الولد كعد ابراهيم من النوم مايدري حمزة وعمي جايين والا ما يرضون ما يطلع للكاع وي صادق هم شافوه وهمة ضايجين ذبوا حركتهم بي استخطيتة كدما رزلوه كدامنة وهو مو صغير وغايب من المعهد غير يريد ينام يرتاح خوما يطلع يكرب بالكاع ما رحموه لحدما لبس وطلع بلا غدة عمي اكل لكمتين وكام وحمزة هم جديتي وعمتي ما مهتمات اكلن براحتهن واني الوب على حمزة واخاف اطب للغرفة لا يفرغ حركتة بية كملت الجاي والاماعين اني وختام وفتت عليه بالجاي جان متمدد وحاط ايديه على عيونة حمزة،،اجة ابراهيم ريم،،لا بعدة حمزة،،انوب ما ماخذ تلفونة استغفرك ربي ريم،،نهض يدكم بدشداشتة،،قدمتلة الجاي واباوعلة بقلق مسح وجهي بجف ايدة بتعب وابتسم نص ابتسامة م**ورة مبين تعبان من امة وسوالفهة وندمان وقلق على ابراهيم طلع يدورة اكيد بدلت وغسلت و مددت بتعب وغفيت ما ادري بروحي ما فزيت الا العصر حمزة حاضني من ضهري وايدة على بطني ضليت متمددة براحة بحضنة ورة شوية دك تلفونة فز من نومتة عالصوت جاوب حمزة،،هااا علي اي نطلع ،،لايابة ما تعبان انتضرتي ريم،،مساء الخير حمزة،،مساء النور ام اسد ريم،،هههه صدك اسد تريد تسمي حمزة،،اي من زغري ابو اسد ،،، كومي ام اسد حضريلي هدوم اريد اطلع وية الولد ريم،،اي تتدلل، ،كمت غسلت ورجعت حضرتلة ملابسة وهو يدخن متمدد ويباوعلي حمزة،،شوكت تكبر بطنج ريم،،بعد هستوة اول شهر حمزة،،يابوية خل يجي الا اخلي يسگط جهال المنطقة حتى جهال صادق ريم،،اباوعلة مرتاح ويسولف وصافن لهفتة فرحتني حتى مزاجة متعدل كام سبح واني لبست ورحت سويتلة جاي وجبتة الة شربة وباس راسي وطلع رحت يم جديتي شوية صبيتلهة جاي وكعك وكعدنة نسولف بالحديقة كلنة شوية وطبت عمتي وعمي همست ختام ختام،يبووو لاهلة ريم،،اجت طاحت على راس جديتي وباستة وتباوسن هية وعمتي فرحة واحنة اتقدمنة سلمنة عليهة وهي تخازر مبينة مجبورة بس تكدر تفك حلكهة وي عمي ابو حمزة،،بوية ريمة استكين جاي ريم،،تامر عمي،،رحت صبيت الة ولعمتي وخليت ماعون كعك ووديتة ورجعت سويت كاسة رگي وبطيخ ووديتهة ابو حمزة،،معدلة مرت الشيخ ام اسد معدلة ريم،،يمة خزرتني عمتي خزة لو بودهة تاكلني بسنونهة كعدت بسد جديتي واحاول مااباوعلهة وهي تنفض حقد وكره،،شوية وشردت للمطبخ نزل ابراهيم من غرفتة باوعلي ونصة ابراهيم،،مساء الخير ريم،،مساء النور،اسويلك اكل ما تغديت ابراهيج،،والله علواه متت جوع وعود زعلان ريم،،هههه لا الله لايجيب الزعل هم قابل يكرهوك من يحجون ابراهيم،،لا انة مصختهة وين اكو زلمة نايم للظهروانة معتمد امي تكعدني تالي امي شردت بروحهة العزيزة هو احد يكدر يوكف بوجه هالعايلة ومحمد يذبوه اربعة ارهاب ، ريم،،ههههههه،لا تضوج من حمزة عليك الله ابراهيم،،لا يابة شضوج اخوي هذا، صدك كالوا راح اصير عم من جديد يتربة بعزكم اسد، ريم،،الله يسلمك يوم الالك ابراهيم،،الله يسهل ريم،،كعدت عالكراسي بلمطبخ وابراهيم عالكرسي الكدامي ياكل ويسولف عالمعهد جان يداوم اخر سنة وايام التخرج واني اشاركة الحديث لان حسنين جان يسولف وعادل هم فاعرف شلونة وضع الدوام وسوالفة ابراهيم،،والله وطلعتي تسولفين جا شو كدام اهلي من نكعد ما يطلع صوتج منتبه حتى وية حمزة ريم،،استحي اسولف كدام الكل خاصة من يلتمون الولد كلهم مااعرف ينكعد ل**ني ابراهيم،،هههههه لعد انة مو زلمة ريم،،لا ومحمد والنعم منك بس ما اعرف احسك مثل حسنين طبعك و..دنكت عيوني مدمعة ابراهيم،،يمعودة اتشاقة وياج والله لا تبجين بداعت عمي طاح حظ ميانتي الزفرة ريم،،رفعت راسي ابتسمت ودموعي تارسة عيني خررب بجفصاتي ليش ما اسولف من انطلق اكوم اجفص ابراهيم،،وانة ان شاء مثل حسنين شتردين كليلي اخوج انة ريم،،متقصر دايم،،طبت عمتي وشتريد مثلا شو حمزة يحدر عليهة ابراهيم،،هلا يمة شلونج ام حمزة،،هلا بعد وكت تفطنت لا فكدتني لا اجيتني لبيت خالك محد منكم كلف روحة ونشد ورة امة الطلعت زعلانة من بيتهة ابراهيم،،يمة هو انة انطفيت وراج من البيت ام حمزة،،صخام بوجهي ليش ريم،،كعد ابراهيم يسولفلهة الصار واني انسحبت للحديقة لليل رجع حمزة متأخر وكلة ريحة دخان جانت عندهم كعدة بالبستان عالشط وشوي رجع شاف عمتي راجعة ارتاح من صدك سبح وكعدنة كلنة بالصالة نتعلل ملتمين الولد وجديتي وعمتي فرحة وعمي وعمتي اجة حمزة كعد بصفي وخلة ايدة على جتفي و شاورني حمزة،،شوفي هاي اللمة عندي تسوة الدنيا الله يديمهة ريم،،اللهم امين حمزة،،سنة الجاية اسد يحوس بالنص وية جهال صادق ريم،،ان شاء الله ام حمزة،،اكوول يمة حمزة دريت بمريتك حمزة،،اي يمة دريت ان شاء الله تكوم بسلامة ابو حمزة،،ليش شكو الجدة صالحة،،مرت حميزة حبلة وجايهم اسد حمزة،،جدة راح اصير ابو واسمي حميزة ما راهمة وعلي ابراهيم،،دحمد ربك عاد ضايفتلك حرف انة كالبة اسمي بكرك الجدة صالحة،ليش شحلاتة من اصيحك بريهيم ابراهيم،،كلشي منج يخبل جدة شعندنة غيرج انتي الخير والبركة قصص وروايات عراقية كرار صلاح الجدة صالحة،،اروحن فدوة للملافظ التنكط ورد مو مثل ذاك بس يشخط وينتر حمزة،،ينكص ل**نة جدة اليشخط وينتر عليج الجدة صالحة،،الله يحفظكم جدة انة احب اداهر بيكم بس وكت الصگد انتم عينة الزلم ريم،،عدت ايام علينة عمتي خفت عني لان كلهة طايرة بية وتوصي هذا ابن حمزة بعد بس هم ما مرتاحة لنضراتهة وسكوتهة كلش هيج،،، ودخلت بحملي بشهر الثالث واخذني حمزة وامي وعمتي للدكتورة اتطمنت على وضعي وكالت كلشي تمام وحمزة طلع طاير بينة،،، بس اني نفرت منة كلش حتى عطرة صارت تلعب روحي منة ولو اتقربلي اركض وراهة للحمام اذب من راسي حتى مرة زعل يكلي تخليني اكره روحي حمزة،، ريم اذا ما تحبين كربي منج كولي ومحمد ما الزمج بعد ولا ازعل بس لا تجبرين روحج علية وتلعب روحج مني تخليني احس روحي مو ادمي احس غير شي،ما اريد شي غصب عنج هاي الشغلة اذا مو بواهسج وياي ما اريدهة ما اريدهة سمعتي ريم،،كام سبح ورجع تمدد كمت سبحت ورجعت بصفة مددت ولميت روحي ودموعي تنزل موبيدي والله مااتحمل قربة مااريد تلعب روحي من هالشغلة كلهة حسيت عليه حضني من ضهري حمزة،،مو كتلج لا تظلين بس تبجين ريم،،موبيدي مو بيدي حتى هذا الحمل ما ردتة لخاطرك كلشي جاي اتحمل بس مو بيدي حمزة،،اششش لاتبجين كافي والحمل احمدي ربج هاي نعمة غيرنة يتمناهة ما اريدج تعيدين هاي سالفة ما اريد الحمل كومي يلا غسلي وجهج وتعاي نامي ريم،،كمت وية كومت حسيت خيال رجلين خ*ف من جوة الباب لان الضوة مال الصالة مشعول وضوة غرف*نة طافي استغربت كلهة نايمة هيج وكت بس مااهتميت كمت غسلت ورجعت لحضن حمزة باس راسي ونومني على ايدة،،ومررت الايام طبيعي وعمتي وردة بهالايام وجديتي تكول عگلت واخيرا لحدما بيوم جان حمزة طالع لبغداد وكعدت الصبح طبيعي مثل كل يوم ختام ببيت اهلهة جانت بلشت انظف وصاحتني عمتي ام حمزة،،ريم ريم تعاي عاونيني ريم،،رحت للترك لكيتهة تسحب بقنينة مال غاز ام حمزة،،تعاي ريمة سحبيهة وياي ظهري راح يطك ريم،،عمة مااكدر مو خاف ميصير ام حمزة،،تعاي ولج بلا عيارة جنة نطلع للزرع واحنة حوامل ما طرحنة معلك بخيط ريم،،من خوفي منهة خليتهة بالكاع وحركتهة برجلية دعبلتهة قريب للمنظم وشكلتهة ورجعت للمطبخ الممر الي عالترك صاير بصفة نزلة درجات عالبستان يعني عالي هواي كل البيت اعلى من البستان جاي امشي وما احس الا دفعة كومتني عالدرجات ومنها جبح للكاع وصووت عمتي صررخت راح الولد الحكووولنة،،،،،يتبع #ﺃّﻟَﻐٌﺰِّﺃّﻟَﺔّ_ﻓِّﻲِّ_ﻋٌﺮﻳِّﻦِ_ﺃّﻟَﺄَّّﺳﺪِ ﻫﻮ ﻋﺎﺵ ﻓﻲ ﻇﻞ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻲ ﺍﻟﺒﺴﺘﻪ ﺛﻮﺏ ﺍﻟﻘﺴﻮﺓ ﻭﺍﻟﺠﺒﺮﻭﺕ ﻟﻴﻨﺸﺄ ﺗﺤﺖ ﻣﺴﻤﻰ ‏( ﺍﻟﺸﻴﺦ ‏) ﻓﻬﻞ ﻳﺴﺘﻄﻴﻊ ﺍﻟﺘﺤﺮﺭ ﻣﻦ ﺗﺒﻌﺎﺕ ﻫﺬﺍ ﺍﻻﺳﻢ ﻫﻲ ﺭﻗﻴﻘﺔ ﻛﺎﻟﻮﺭﻗﺔ ﺍﻟﺒﻴﻀﺎﺀ ﻻ ﺗﻌﺮﻑ ﻟﻠﻨﻔﺎﻕ ﻃﺮﻳﻖ ﻓﻬﻞ ﺳﺘﺴﻄﻴﻊ ﺍﻟﻨﺠﺎﺓ ﺩﺍﺧﻞ ﻣﻨﺰﻝ ‏( ﺍﻟﺸﻴﺦ ‏) ﺍﻡ ﺳﺘﻔﺮﺭ ﻫﺎﺭﺑﺔ ﻣﻦ ﺟﺤﻴﻢ ﻫﺬﺍ ﺍﻟﻌﺮﻳﻦ مساء الورد حبايبي اسفة عالتأخير جان عندي خطار،واعذروني البارت مو طويل اعوضكم والله مساء الورد ياورد لسفة جدا اتأخرت واعتذر عندي شغلة مدوختني كوة الحك اكتب اعذروني، ،احبكم ياارقى ناس

Free reading for new users

Scan code to download app

App Store Google Play

Facebookexpand_more