غزالة في عرين أسد

نايمة الظهر ومخلية ابني ونص روحي بحضني وحاضنتة بكل قوتي وابوس بي وهو غافي يمة شكد احبة هذا قطعة من روحي هذا الي سكت شماتي كلهم وصارلي شوكة بعين كل حاقد هستوني بديت اغفي ودخل النص الثاني لروحي سلم بهدوئة المعتاد وحجة ببرودة بدون ميباوعلي وهو ينزع بالجراوية اللافهة على راسة(انة جم مرة كتلج لاتضلين لازتة على كلبج خلي يطلع زلمة خشن)همست بخوفة اي اي هسة اشيلة كمت شلتة بجربايتة دخل هو للحمام وطلع بدل وكشخ على اخر حباية واني كلبي يتكطع غيرة وقهر عليه كدما طلع حلوو وهيبتة الفارضهة بكل كعدة تخلي العالم تهديلة بهالنسوان وما ملحكة بس هو يرفض جان وهذا الي يبرد كلبي بس ابقى بخوفة لان اني اساسا ا اعشقة حد الموت واموت بدونة بس يقابل حبي هذا خجل و**ت مو طبيعي ناحيتة مااعرف اخاف منة كلش وكوة انطق الكلمة بوجودة مااعرف حتى اعبرلة شكد احبة وهو باسللوبة وبرودة جان ميساعد ابد جنت اعيش بصراع وخوف دائما من كل شي يخص مستقبلي بهذا البيت الي احسة احيانة غابة وناس تاكل بناس بس يبقى بنصهة هو الاسد الي بحضورة يسكت الكل وجنت اعتبر هذا يجوز كارت الامان الي،،،،،احداث هواية صارتلي بهالبيت حبيت تشاركوني بيهة وتوكفون وياية شاهد على اهم محطات حياتي لان تعبت يلا عبرت كل محطة وبكل محطة ودعت شي عزيز واتمنى هاي محطتي الاخيرة الي ارتاح بيهة على طول...... #البارت_الاول فيد عبد الله ريم ،سماني ابوية هالاسم تيمنا بعيوني جانن حلوات وكلش كبار على كولتة يشبهن عيون الريم ,,,,البنية الوحيدة بنص خمس اخوان فشي اكيد جنت المدللة مالتهم بس بحدود بحكم عاداتنة وتقاليدنة وية اهلنة كرابتنة الي نعيش بنصهم،،، ماخذين منطقة كاملة بيهة كيعانة وبساتين باطراف محافظة.....وكلهة كرايب اعمام واخوال وواولاد عم وهوسة، ابوية عند ٤ اخوان وهووعمي حسين توم بس عمي حسين الاكبر وهوالي استلم الشيخة بعد جدي الله يرحمةلان ابوية مريض ومالة خلك وظل يدير بيهة بكل حق وعدل والناس تحبة وتحترم حجاية لان يخاف الله كلش ووياه ايدة اليمنى ابنة (حمزة) وااااه ياحمزة ،،،،،،اسم على مسمى هيبة وكشخة وجمال جنت اعشقة بداخلي وضامة حبة بكلبي سر حلو اسرح بي تالي الليل كل بنات عمي يشردن منة ويخافنة الا اني احب حتى خوفي منة صح هو ما يصيح ولا يض*ب بس نضرتة جانت رصاصة تخليك تموت بمكانك يخوف ببرودة متتوقع رد فعلة شنو وعقابة قاسي ويدمر الاعصاب هيج جنت اسمع من اخواني جنت انطرة لو اجانة يمر للديوانية واظل اتمعن بي من ورة الشباك اذكر مرة لمحني وخزرني خزرة خلتني امووت وكعت يومين بالفراش من الخوفة منة ومن خواني لو دروا بية فتحت البردة واتمعنت بي ، كملت ثالث متوسط بدراستي وكعدوني لان الاعدادية بعيدة والمنطقة كلهة كرايب عدنة زحمة انطب ونطلع رغم اني ناعمة كلش ممبين علية كبر ابد بس هاي عادتنة بعد واني ما ناقشت لان طبعي مااناقش ابد شيكولون اكول بي مصلحتي وهمة اعرف،،، هذا طبعي جان وطبع كل بناتنة واتعلمت بكعدتي اطبخ واعجن واخبز لان امي تعبت وصرت اني ام البيت وكلهة تشهدلي بنضافتي واكلي الطيب وشوية شوية صرت الاعتماد علية وخاصة من طاح ابوي مريض وعرفنة عندة سرطان بالامعاء امي صار وكتهة كلة الة تداري بي وهو سودة علية ذبل وخلص واني عمري يروح وياه جنت اشوفة امان الدنيا كلهة عمرة ما زعلني ولا ضوجني ولو عاطوا خواني بالشقة بية يصيح بيهم ما يرضة ومن فقدتة انتهيت وملخت روحي اتذكر اتخربط كلش واخذوه للمستشفى ويومين واتوفى من اجانة الخبر اتهسترت و طلعت بلا وعي ركضت للباب واصيح جذب وشالي نازل من راسي وحافية ركضت خطوتين وانجريت حيل من ايدي التفتت حمزة سحبني ودخلني للحوش وعيونة دم تريد تاكلني وعاصر زندي حيل ثواني راح حيلي بيهن منا صدمتي ومنا خوفي منة بعدة هستوة يفتح حلكة يحجي واني انسحبت روحي وطحت بيدة ماحسيت الا خالتي ترش مي بوجهي شهكت وكعدت اريد استوعب شصار ،،،ووعاني صوت النسوان وعياطهن كمت املخ بروحي والمصيبة صوتي انمسح واختفى بس دموعي كامت تنزل واملخ بروحي خالتي انتبهتلي اخذتني للغرفة وتهدء بية وتقرالي قران واني صرت ارجف مثل السعفة ،وكعت كلش بايام الفاتحة كمت مااكدر اشيل روحي من الفراش الصخونة موتتني وبلعومي مشحط احسة ومايطلع صوتي لحد يوم الثالث كفوا الفاتحة واجوي خواني من الجادر سودة علية انتهوا تعب والعالم انكلبت علينة اول طبتهم علية للغرفة حضني اخوية الجبير علي ويطبطب على ضهري وخواني داير مدايري شهكت ابجي بحضنة علي،،لا تبجين يا بعد اخوج انة اخوج وابوج واهلج كلهم انتي امانة الغالي ووصيتة وانتي اخيتي الي بعز روحي انتي ريمتي كاظم،،شتردين بس تأمرين يا اخيتي وتتدللين ريم،،حسيت باحساس مينوصف ما حسيت بوجودهم انه تيتمت ابد،ردت احجي صوتي كوة طلع مجرح بلعومي شافني علي هيج لو تخبل علي،،يمة شمالهة ريمتي ما تنطق وحسهة رايح ام ريم،يمة من العياط والصريخ التهب بلعومهة كاظم،،وعليش ما تكولون مو انطب ونطلع نسأل تكولون نايمة وتعبانة علي،،يا بعد اخوج باجر من الغبشة اخذج للطبيب ريم،،كمت ابجي من حنيتهم علية حضنت علي وابجي وهو يمسح على راسي، ،ثاني يوم الصبح كعدني حسنين اخوية حسنين،،ريمة ريمة كومي البسي ناخذج للطبيب يكول علي ريم،كمت مت**رة كوة غسلت ودخلت امي وخالتي وبنت خالتي حسناء وخواني بالمطبخ يتريكون باوعت مكان ابوية الفارغ دمعت عيوني اشرلي علي اجي بصفة وسوالي مكان اجيت ختلت بسدة وهو يمسح بضهري بحنية انطتني امي كوب حليب حار شربتة كوة اموت من الحليب علي،يلا ريمتي كومي بدلي حتى نتوكل ورانة طريق الطبيب بعيد الحجزتلج يمة ريم،،كمت بدلت بجبة وعباية وية طلعتنة اجوي خطار للولد ياخذون من خاطرهم من غير محافظة وما سامعين دخلت للبيت شوية واجة حسنين حسنين،،كومي ريمة علاوي دزني عليج ناخذج ريم،،همست والخطار حسنين،،يمهم الولد وراح ناخذج انة وحمزة عبنة عندة شغلة وطالع قريب عالدكتور ريم،،احس معدتي مغصتني من كالي حسنين حمزة الياخذنة رحت لخالتي تجي وياية ماقبلت كالت خطار عالغدة يبقون امج مابيهة تطبخ رحت كوة امشي صعدت بالسيارة وكوة طلع مني السلام حمزة،،وعليكم السلام ريم،،سكتت بعد وصلنة وتزلنة اني وحسنين وهو نزل حسنين،،ها ابو اسد اتوكل لشغلتك بين ماتكملهة ندخل للدكتور حزة،،شون ترهم توكلوا بوية ما طاير الشغل حسنين،،لا ابو اسد ما نعطلك انة وياهة حمزة،،يلا حسنين جدامي عيب من الوادم تباوع ريم،،ما ناقشة حسنين بعد كلهة تعرفة ميعيد حجايتة رحنة للدكتور وطول ما يفحص حمزة يخزر بي وجان الدكتور مو جبير بالعمر كال التهاب كلش حاد بالبلاعيم مد ايدة على بلعومي من ورة الحجاب وكال اصلا من هنا اتحسس الالتهاب ليش هاملين هالوردة هيج يمة لو حمزة وحسنين نططت عيونهم رادوا ياكلوه وهو ارتبك وكتب العلاج رأسا وانطاه لحسنين وكومة ابر وعلاج راح حسنين جابهن وهو ينافخ واني كعدت برة عالكراسي وحمزة واكف بصفي وصاد عينة عالباب حاصرني بينة وبين الحايط حتى محد يباوع خو العيادة فارغة حجة بصوت ناصي حمزة،،احشمي روحج يا ينت عمي مو نوبة شاردة للحوش وانتي مفرعة ونوبة فاكة عباتج وهاالابن ....استغفر الله انتبهي عدل منا وغاد ما عدتي صغيرة ريم،،فتحت عيوني على وسعهن واباوعلة متفاجأة فكرتة زعجتني حيل التفت علية وسكت شوية ورأسا دار وجهة حمزة،،ديري وجهج ولا تنططين عيونج ريم،دنكت رأسا ودموعي نزلت اجة حسنين بهالاثناء وكمنة اتوجهنة عليه اني مدنكة ومخبوصة امسح بدموعي ماانتبهت مرة جبيرة طبت وحمزة وكف يسويلهة مجال تفوت وهوووب انلزك بضهرة ابتعدت مخبوصة واجة حسنين علية حسنين،،شمالج ريمة دختي شنو ريم،،شوية،،لزم ايدي حسنين ويمشي وياية ويسالني بصوت ناصي وحمزة كدامنة حسنين،،شمالهن عيونج حمرر صارن جنتي تبجين شنو ريم،، لا من الصخونة يجوز، ،رحت ض*بت الابر وجانن هواية شديت بايدي كانولة ورجعنة الي لاحظتة بالرجعة عيون حمزة من رفعت راسي والتقت نضراتنة نزلت راسي راسا بس نضرتة غريبة جان يباوعلي بغضب او مااعرف بنضرة شنو افسرهة تخليني اتهرب واخاف اباوعلة بعد دنكت ومارفعت راسي لحدما وصلنة نزلت ركض ما نطقت حرف مااعرف ليش خفت كلش منة اليوم احس احساسي الي بداخلي اتغير يمكن لان نفسيتي تعبانة ،،،،،،مرت الايام والشهور واحنة كدرنة نتجاوز محنتنة عمامي خطية ما فاركونة وليلية يمنة حتى عمي حسين الي رغم مشاكلة وشغلة يمرلنة دائما يكلي اجيت اشوف ام عيون جان بمكان ابوي حتى اسرح بشكلة وشبهة واتخيلة ابوي وكاعد يسولف خواني احتضنوني ولموا البيت وشغل ابوي وحلالة وهم يعرفون لان من زمان يديروه هم خصوصا علي الي صار هو ابو البيت والي كل خواني ميردولة كلمة خالتي وحسناء قريبات علينة ودومهن يتعللن يمنة وانتبه لنضرات حسناء الي تلحك علي وين ميروح بس هو حتى سلامة وياهن وهو مدنك مررت الايام وطلع ابوي السنة وورة شهرين اجانة عمي بالليل وفاجأنة بطلب هو رايدني لابنة حمزةاهلي كلهم فرحوا ومقتنعين لان يعرفوه شنو احس متت خجل بيومهة خجل وفرحة وخوف معقولة هو هم رايدني ويفكر بية والا ليش اني من دون بنات عمي خو حتى هن مناسبات عمرة اكثر لان بوكتهة عمري جان هستوة١٧سنة وهو عمرة٢٧سنة ضليت ارسم واخطط ببالي افكار واقنع روحي بحبة الي والا ليش ماتزوج وزوج اخوه الاصغر اكيد منتضرني اكبر اكيد يحبني من زمان اي اي يحبني نمت وابالي هالفكرة خلص اني لحمزة صرت حمزة الي احبة #البارت_الثاني فيد عبدالله انة حمزة الابن الجبير للحاج حسين عندي اصغر مني ٢خوان و٣خوات خريج ادارة واقتصاد ورة تخرجي لزمت شغل ابوية وحلالنةوكيعانة وحتى عمامي انتكلوا علية وسلموني حلالهم عدا عمي حسن عبن ولدة كبار وجنت اعدهم خواني خاصة علي الي بكدي جان وخلصنة حياتنة كلهة سوة بس هو خلص اعدادية وكعد لزم شغلهم لان عمي تعب حيل بذيج السنين هو وكاظم جنت بالكلية عندي سيارة اروح وارجع بيهة للدوام هالشي خلة الي معجبات من الي يحبن المادة ويركضن وراهة وجنت استصغرهن حيل لان اكره المرة العينهة فارغة بس نضري تحول كلة لبنية من شفتهة كلت هاي صدك التختلف عنهن ثركيلة حيل ورزنة واخلاق حتى ما تنزع عباتهة بالجامعة كلت هاي هي الي اكمل وياهة صح وسنة كاملة مراقبهة اخلاق وصوتهة ماينسمع ولاحجت وية الولد ولا توكف وياهم وحاولت شكد الفت نضرهة بس وهي متباوعلي نضرة اخر شي بالسنة الثانية فاتحتهة بموضوع اتقدملهة وطبعا بعدما كوة قبلت اكعد وياهة كالت ما مفكرة هسة عالاقل اكمل مرحلة الثالثة يلا خاف مااكدر للمسؤلية اذا شاريني تنتظر كتلهة شاريج وانتظر ماعندي شي وصدك بقيت انتظرهة ويوم عن يوم انعجب بيهة اكثر وبثكلهة وجمالهة وهدوئهة كلت هاي هي قفلت عليهة وسولفت لعلي بوكتهة وفرحلي كلش وكملت وياهة بعلاقة طاهرة داخل حدود الدوام بس روحي تعلقت بيهة حيل ولحد المرحلة الثانية خلصت كتلهة اجي اخطبج كالت مااقبل هسة سنةة الخ يلا بالمرحلة الثالثة داومنة وانة انطرهة شوكت تكضي واسولفلهة ونخطط لحياتنة سوة واجتي عطلة نص السنة ووراهة داومنة وكلي لهفة وشوك الهة انتظرتهة تداوم ماكو خلص الدوام وماكو وثاني يوم واسبوع وهي ماكو كمت الوب عليهة وميت فكرة براسي وشلون اعرف اخبارهة وحتى اتصال ما بيناتنة العلاقة داخل الجامعة بس اخر شي من حركة كلبي رحت لصاحبتهة وسالتهة وجاوبتني بجواب خلاني اتبنج بمكاني الصديقة،،والله مااعرف شكلك بس اكلك انساهة احسنلك ما تفيدك بعدتزوجت وسافرت لغير دولة وية زوجهة حمزة،شتحجين خوية يا زواج ما مسولفتلج عالبيناتنة الصديقة،،والله خوية هي اصلا وابن خالتهة مقرية فاتحتهم من اول كلية وسافر رتب وضعة ورجع تزوجوا وسافروا حمزة،،احس واحد وسطرني على راسي من سمعت حجي صاحبتهة انة حمزة تضحك علية مرة زعطوطة شكد مخدوع بيهة جنت والله مدري انة من العشك انثولت بس شمدريني بيهة بالكلية ماكو بثكلهة،حسيت نار وشبت بضلوعي شلون تخدعني هيج شنو حاطتني جوة ايدهة منو اليصيب تتزوجة انة يضحكون علية بالحيف والله ،من ساعتهة كرهت جنس حوا كلة وحلفت ما اسلم كلبي بيد مرة للموت ومن ساعتهة بدت علاقاتي ال**برة والطايشة اخذ فترة واكلب ورقتهة وحتى ورة ما تخرجت جنت اروح بسهرات لبغداد وحدي بحجة شغل وشفت اشكال والوان لعبت نفسي اكثر وخلتني اكش من كل النسوان لحدما اعتمد ابوية علية بكلشي وخلاني بموضع المسؤلية انصقلت شخصيتي وابتعدت عن هالامور وحتى احس اكتفيت و***بت روحي وجانوا دومهم يلحون علية بشغلة الزواج وارفض ما مقتنع بمرة ابد ومن كاموا يلحون زوجت اخوي صادق ومشيت السرة حتى يسكتون لحدما فاجأني ابوي بوصية عمي الة وهي ياخذ بنتة ريم لواحد من ولدة لو اني لو ابراهيم وابراهيم اعرفة طايش وهي طايشة من تصرفهة من ركضت للشارع لو مرة لمحتهة ما سادة البردة مال المطبخ وباوعت منة للحوش مرتين يعني منتبهة ما مردودة عدل خزرتهة وتوبتهة عذرتهة لان مراهقة بس تصرفاتهة متتوالم وية ابراهيم قررت ازوجهة انة واعلمهة الصح من الغلط تبقى بنت عمي وانة اولى بسترهة وتعليمهة وهم استقر وياهةواكون عايلة وهم صغر عمرهة شجعني اكثر كبرت بعد وهي وبنت عمي ومتتعيب ويكولون ام بيت وحبابة يعني تتحمل خطارنة وهوستنة ولو عمتي فرحة وامي وجديتي ما يقصرون بس هي مرت الشيخ حمزة لازم تربة على المضيف الما يفرغ من الخطار ،، واتوكلت على رب العالمين بس بعقل مجرد من اي مشاعر تجاهة حتى لو مرني طيف عيونهة الي من باوعتلي مااعرف ليش لزكن براسي وجملهن من انزلكت بضهري بس رأسا انتفض وارجع اذكر روحي بالوعد حتى لا اسلم كلبي هالنوبة بيدة زعطوطة ت**رة بطيش او رعونية خليني حر نفسي وخلاص يا بوية الا نحب يلا نعيش،،،،، ،يتبع #ﺃّﻟَﻐٌﺰِّﺃّﻟَﺔّ_ﻓِّﻲِّ_ﻋٌﺮﻳِّﻦِ_ﺃّﻟَﺄَّّﺳﺪِ ﻫﻮ ﻋﺎﺵ ﻓﻲ ﻇﻞ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻲ ﺍﻟﺒﺴﺘﻪ ﺛﻮﺏ ﺍﻟﻘﺴﻮﺓ ﻭﺍﻟﺠﺒﺮﻭﺕ ﻟﻴﻨﺸﺄ ﺗﺤﺖ ﻣﺴﻤﻰ ‏( ﺍﻟﺸﻴﺦ ‏) ﻓﻬﻞ ﻳﺴﺘﻄﻴﻊ ﺍﻟﺘﺤﺮﺭ ﻣﻦ ﺗﺒﻌﺎﺕ ﻫﺬﺍ ﺍﻻﺳﻢ ﻫﻲ ﺭﻗﻴﻘﺔ ﻛﺎﻟﻮﺭﻗﺔ ﺍﻟﺒﻴﻀﺎﺀ ﻻ ﺗﻌﺮﻑ ﻟﻠﻨﻔﺎﻕ ﻃﺮﻳﻖ ﻓﻬﻞ ﺳﺘﺴﻄﻴﻊ ﺍﻟﻨﺠﺎﺓ ﺩﺍﺧﻞ ﻣﻨﺰﻝ ‏( ﺍﻟﺸﻴﺦ ‏) ﺍﻡ ﺳﺘﻔﺮﺭ ﻫﺎﺭﺑﺔ ﻣﻦ ﺟﺤﻴﻢ ﻫﺬﺍ ﺍﻟﻌﺮﻳﻦ #بقلم فيّد عبدالله #البارت_الثالث ريم،كعدت الصبح واتذكرت حجي عمي لا اراديا ابتسمت كمت بنشاط عجنت وخبزت ووسويت الريوك وكعدو الولد كاظم،،صباح الخير ريمة ،يابوية كعدتني ريحة الخبز الحار ميت جوع ريم،يخسة الجوع اصيرلك ريوك حسنين،اي بس لكويظم الاكل دشوفي طحشة راح ينفجر كاظم،دولي ولي يعيب على هيبة الرجال يول الرجال بلا كرش فاكد نص هيبتة مثلك مصفوك حسنين،،اي اي قنع روحك ريم،،ههههه اباوعلهم واضحك لنكارتهم وادعي الله يحفظهم الي ام ريم،،يا صباح الله خير من الصباحيات تتناكرون جنكم ديج ودجاجة عادل،،لا ولك بس لا كاظم الدجاجة هم مدعبل مثلهة كاظم،،عويدل ضب ل**نك لا تخليني اكطع مصروفك بعلي عادل،،لا يخوي اتشاقة ومحمد شجاك ما تحمل شقة علي،،شمالكم من الصبح حسكم عالي عيب بوية اثكلوا واحدكم صار بطولي ريم،،صباح الخير يا وجه الخير علي،،والله اليصبح بهالوجه الحلو نعمة متتعوض،صباح الخير يمة ام ريم،صباح العافية عليك يا بعد حيلي ريم،،هذا المسلسل الصباحي يومية هنا بس هاي ونستي من اشوف ضحكهم وشقاهم وعركة كاظم واحمد اخوي الصغير على اخر لكمة لان ثنينهم يحبون الاكل ادعي ربي يديم علينة هانعمة ام ريم،،يمة البارحة ظل بالي تأخرت حيل يا يمة علي،،يمة شغل والله تعرفين الموسم بدة وينراد حيل شوف حسنين من باجر ترتب امورك تجي ويانة،فيدعبدالله، حسنين،،يخوي والمحل علي،،الصبح خلي بي العامل ومن يرجع عادل من دوامة يوكف بي ما نلحك انة وكاظم بس حسنين،امرك يخوي علي،،ما يامر عليك عدو ام ريم،،يمة عمك هم كالك على موضوع اختك ريم،،باوعلي علي واني غصت بهدومي شردت لغرفتي راسا علي،،ليش كاللكم عمي مو كتلة اجلهة شوي انوب ام ريم،،اي اجة هو وجديتك وفتحوا الموضوع شرايك يمة انة اكول حمزة مينرد علي،،يمة اكبر منهة بهواي وخايف ميتوالمون ام ريم،،بالع** يمة تتربة على اطباعة وهي بعدلهة جم شهر تكمل ال١٨طلابة بكدهة انة مخلفتك علي،،يصير خير سدو السالفة هسة وانة وعمي نتفاهم ،،،،،،،،،،، حمزة،،جنت بالشغل واجاني تلفون من علي،هلا ابو حسين صارلك يومين مختفي وين مشتاقلك بمحمد علي،،جايك هسة انة وين انت بيا كاع حمزة،بكاع عمي اسماعيل راح انطرك عالشارع علي،،خووش،،سديتة منة والف سؤال وفكرة براسي ليش ياحمزة خليتني بهيج موقف الا ريمتي حلت،فيدعبدالله، بعينك خايف عليهة منك حيللللل وانة الاعرفك شنوو حمز،،هلا بحزام ضهري شلونك عبي،،موش زين من دكايكك بية حمزة،،افة شمسوي انوب وانة ماادري علي،،جا تخطب اختي وانة ما موجود حمزة،،هااا،،هو خطبة ابوي منكم ما كلي ماشفتة الصبح غبشت عالكاع علي،،حمزة شناوي ترة هاي عزيزتي حمزة،،ليش علي عندك شك بية ما راح اصونهة تراهة بنت عمي كبل لا احسبهة اختك علي،،حمزة شمعنى هسة يلا ردت تتزوج صارلك سنين ما تقبل تعرس حمزة،،تعرف ليش علي،،اهااا عبن اعرف ليش زين شتغير هسة لساتك كاره النسوان وطاريهن ليش ردت ريمة حمزة،،ما ردت اكلة وصية عمي لان حلفني ابوي متطلع، جاوبتة اقتنعت يا خوي لازم استقر ويصيرلي بيت وجهال وماالكة احسن من تربات ايدك اتصير ام بيتي علي،،حمزة تعرفني كلش زين لو تطلب روحي ترخصلك وهالطلبتهة عبن ريمة بعز روحي صدك لو اجت يوم واشتكت منك شعرة اهد الدنيا ونتخارب فد نوب هالله هالله بيهة حمزة،،افة ششف*ني يا عليوي خبل وامرعد بالعالم علي،،حمزة اعرفك وحافظك وطبعك اكشر واختي صغيرة ولو عقلهة جبير بس تبقى بشر ما معصوم لو غلطت علمهة وان ما تعلمت ساعتهة عود سوي اليحلالك لا تاذيهة بطبعك حمزة،،ان شاءالله صدك جذبتوصيني ببنت عمي علي،،ما تدري بمعزتهة عندي وحك علي لو مااخاف الله ماازوجهة حمزة،،ههههه يابة طايرة هو الحايط عالحايط والورة مفتوح من البستان وتلوف عليكم علي،،يمكن هو هذا القنعني انطيهة الك حمزة،، چا مو بعينك انة علي،،ههههه والله اتونس من اشوفك تنتفض وتكوم تخازر،لا يابوي بنص عيني وتاج الزلم ،،،،،، ريم،،لليل رجع علي من الشغل من وكت سويتلة العشة واكل وطب لغرفتة وصاحني رحت وراه علي،،سدي الباب وتعاي جدامي اكعدي ريم،،سويت الكالة وكعدت كدامة علي،،اي يا ريمتي شرايج بحجي عمج ريم،،كمت ارجف مستحة ودنكت افرك بادية علي،،جاوبيني يا ريمتي لا تخجلين مني انة بالاخص اذا ما هاوية الزواج محد يجبرج واذا رايدة ومقتنعة كولي هم هذا حكج وانة بكل راي وياج ريم،،بكيفك علي،،لا بكيفج انتي هذا زواج ريم،،هااا، ،ودنكت مستحية علي،،انكول مبارك وشايفين الهير ريم،،ابتسمت واني ساكتة سحبني علي لحضنة وباس راسي علي،،يا بعد اخيج كبرتي صرتي عروس بس تضلين بعيني ذيج ريمة الجنت اشيلهة بحضني واسكت بيهة ريم،،الله لا يحرمني منك امين ربي، ،،،،،،،،،،ومرت الايام ورجعوا خبر المواقفة واجة عمي وحمزة وجديتي وعمامي وقروا الفاتحة واتفقوا عاليوم المهر بس الشفتة مرت عمي وجهة ثكيل هي من الاول مو هالكد تجينة بس جانت وجهة ضاحك وملاكاهة حلو هالمرة ولا نطقت بحرف ولا كالت غير مبارك يمة وكعدت ما اهتميت لان ادري هناك الامور كلهة بيد جديتي وهي جانت طايرة بينة وقبل المهر بيوميناخذنة علي للسوك اختاريت بدلة ومريت للصالون حجزت اني وخالتي وحسناء الي اكبر مني بسنة وبيوم المهر رحت من الصبح للصالون مكيفة كل بنية تكيف بهيج يوم خصوصا الي راح اخذة هو حب طفولتي ومراهقتي شعري طويل جان كلش طويل سحبتلي ميش على لونة وطبعا هاي علامة الجودة للعروس بوكتنة شعرهة اصفر وجان شي نتمنى احنة البنات نسوي ههههه مدري شعاجبنة جان بهاللون وكصيتة مدرج على طولة وسوتلي تسريحة شالت نص شعري ونزلت نصة والبدلة والهوسة مكيفة بروحي طلعت حلوة حسب كلامهم رجعت للبيت واشتغلت الهلاهل والركص وبنات عمي كلهن جايات بيهن الفرحانات وووحدة من بنات عمي اسماعيل جانت ضايجة هوسة وركص والكرايب،فيد عبدالله، ملتمة العمات والعمام وجديتي تبوس بية شوية وصاحوني اعقد شعور خوف وفرح غريب عقدت ورجعت بخجل وارجف شوية وكالوا اجة العريس يلبس الذهب لفوني بشال ودخل هو وعمي وخواني باسني عمي وباركلي وتقرب هو باس راسي بس شنو احس حرارة كامت تطلع من خدودي بلش يلبسني بالذهب واني مدنكة وارجف كوة سيطرت لبستة حلقتة ولاحظ رجفتي منة همس باذني وهو يلبسني الكلادة حمزة،،شبيج راح تموتين مااكل بشر ريم،،من كال هيج رفعت عيني وصارت بعينة وهو قريب كلش سكت يباوعلي بامعان وثواني وعقد حواجبة ونتر باختة صاحهة حمزة،،غصون تعاي لبسيهة التراجي ريم،،اجتي غصون وياية لبستني التراجي وهو من لحظتهة حسيتة متوتر وتوتره يصعد ويزيد وما نطق شي بعد لحدما صاحوه وحسيتة ارتاح من صاحوه ماعول يشرد هاي شبيه شسويت اني، #البارت_الرابع فيد عبدالله ريم،،عدت فترة الخطوبة وما جانت طويلة اسبوعين وكضيتهة ركض بركض حتى الحك حضرت كلشي وسولي حنة وهوسة وكلهة التمت الكرايب ودك وركص واني طايرة بس نضرات مرت عمي ام حمزة ابد ما ريحتني وبالليل باتت جديتي يمنة وسولفت وياهة وسالته،،جدة شو مرت عمي نضراتهة تخوف ما فرحانة ابد الجدة صالحة،،يا جدة اكولج وراح اكولج لان ادريج عاكلة وفاهمة وانتي الراح تخليهة تحبج من ايدج ريم،،كولي جدة الجدة صالحة،،هي من سمعت بيج تعرنصت منج ريم،،ليش جدة شبية الجدة صالحة،،مابيج ست البنوات بكلشي بس عبنج صغيرة كلش على حميزة ريم،،ههههه حميزة الجدة صالحة،،وصكع تتمضحك عالاسم وعافت الحجي كلة ريم،،بس جدة واذا صغيرة مو زين اتعود واربة يمهم الجدة صالحة،،تكول ما تدبر بيتنة وخطارنة ولا تعرف لرجلهة شيريد بعدهة وينهةووين العرس بس مو هاي الدك والمدكوك جانت رايدتلة بنت اختهة بس حميزة ما قبل بيهة تذرنح منهة ودك رجلة الا انتي لو ماكو كل عرس ريم،،يمة جديتي اسولف واني كلبي انتفض هيج يحبني ويريدني لعد لعد شمالة لا مر لا سأل لا وصل يلا هم يجوز ملتهي يحضر هو شبقى باجر رايحة يمة كعدت الصبح على هوسة البنات كمت عالسريع سبحت وطلعت للصالون اخذنة حسنين كملت كلشي وجان مكياي شي خفيف لان هو موصي عمتي فرحة بس برزت عيوني ولونهن بالكحل طلعن يخبلن رجعنة للبيت واني بدء الخوف ياكلني ومن كالوا اجوي متت صرت ارجف وحتى بردت لفوني بالجادر مال البدلة ودخلوا الزلم تقدم هو ناحيتي بالزي العربي وعطرة مغرك روحة بي وكف بصفي ومن الجهةالثاني علي وكف واجة اخوه ابراهيم يكصلنة صور شوية وكالوا نمشي سلمني علي الة وهو يوصي بي علية واني دموعي صارت مطر وامي سودة علية شبعت بجي وحسناء وخالتي يسكتن بيهة طلعنة وهو لازم ايزي الي احسهة راح تذوب بين لمسات ايدة الدافية صعدنة السيارة واخذوا فرة بالمنطقة ورجعنة لبيت عمي نزلوني وذ*حوا يم رجلينة لزمت ايدة حيل وغمضت انرعب من منظر الدم دخلنة للبيت وهم هوسات وركص طلع هو يم المعازيم وصعدوني للغرفة ورة شوية وعمتي امة وعمتي فرحة اخذوني لغرفتي جوة جانت بصف غرفة جديتي حلوة ومرتبة واخشابهة ضخمة وفرشة واضوية ومبخرة وباردة تريح النفس طلعت عمتي فرحة سيت النوم وخلتة عالجرباية وكالتلي بحنانهة المعتاد فرحة،،كومي عمة بدلي هذا حمام ببطن غرفتج ام حمزة،،علمتج امج شيصير ريم،،اااي ودنكت خجلانة ام حمزة،،اي بلا عيارة وتنغوص مو تفلفلن وساعة الصدك تتعايرن وتتبجبجن ريم،،ان شاء الله عمة ام حمزة،،يلا يفرحة ورانة معازيم كووام ريم،،طلعن وكوة جريت نفس من حجي عمتي هاي شلون بيهة نزعت بدلتي بمساعدة غصون اخت حمزة الصغيرة واكبر مني جانت ومتزوجة ولبست السيت وتعدلت وتعطرت وكعدت على طرف الجرباية بخوف كلللش خفت منة ومن الراح يصير احس شخصيتة ترعب اني يمكن ورطت روحي ياا ريمة تخبلتي تحاجين بروحج هذا حمزة حلم السنين هسة تكولين تورطت جابن البنات صينة للعشا وطلعن وضليت اني ملزوكة بمكاني بين افكاري سمعت صوت الهلاهل يعلى ينذر بقدوم العريس ثواني قليلة واسمع صوتة يتشكر منهم واندارت قبضة الباب تعلن دخول الاسد واني هنا احس صار النفس اكبر جهاد رعب ملاني خلاني اتبنجت بمكاني واني المح رجلي وهو واكف مقابيلي بلعت ريك بخوف وافرك ادية بقلق ،،،،،،، حمزة،،بعد كل التجارب المريت بيهة والعلاقات جزت روحي من النسوان وطاريهن وكلبي قفلتة وشمرت المفتاح بس ما جاي اعرف شيصير بية من اباوع بعيونهة صدك من سماهة ريم عيون الغزلان بس احلى بعد لونهن وسعهن رمشهن كلشي بيهن يخليني اصفن بيهن شجاني،، حمزة رد لعكلك لاتوكعك مرة ،اتحاشيت اروحلهم ابد ورة العقد مااريد اتعلك بيهة انة خذتهة صغيرة اصلا حتى تصيرلي زوجة بدون ما تدخل بحياتي ومشاعري لان لو جانت جبيرة وواعية جانت اكيد تطالبني بمشاعر ما اريدهة اصلا تنوجد بعلاقتنة هذا يمكن اكبر سبب شجعني اتزوجهة واتحدة حتى امي واعاندهة صار العرس ومن طلعتهة ولزمت ايدهة الباردة وترجف بايدة كلبي انتفض بص*ري بالسيارة بس صعدنة هديت ايدهة واحاجي بروحي شجاك حمزة ما شايف نسوان متت بكضة ايد من وحدة جاهلة هذا انتة الشيخ العاگل شجاك تخربطت امورك طلعت رأسا بس وصلنة البيت يم الزلم شوية وبلشوا يصبون بالعشا وكالوا نزفك بعد دخلوا خواني وولد عمي يهوسون وامي وعماتي هم وصلت لباب الغرفة اتشكرت منهم ودخلت جانت كاعدة على طرف الجرباية ومبينة خوفتهة تقربت وكفت مقابيلهة وهي ما رفعت راسهة سحبتهة كومتهة اجت بيدي مثل الريشة ياالله هاي شكدوتهة وكفت كدامي وهي مدنكة جليت صوتي وكتلهة بهدوء تعالي نتعشى حسيتهة خايفة كلش مو مال اتقرببهة هسة خليهة تهدء هزت راسهة بموافقة وكعدت مااكلت لكمة كتلهة كومي غسلي وجهج من المكياج عود ما ردتهة تحلى بعيني الي اعرفة المكياج يحلي المرة راحت غسلت شو هاي طلعت احلى يربي شهالبلوة بيش ورطت روحي انة رحت غسلت وكعدت صليت وهي اجتي ركض وراية وكفت تصلي كملت صلاتي والتفتت عليهة لابسة جادر الصلاة لاف قرص وجهة وعيونهة مغمضتهن مكحلات برموشهة وانتهى نظري للرصعة البحنجهة بلعت ريك بصعوبة وبعدت نضري همزين هي مغمضة جانت من حست بية كمت كملت بسرعة وكامت تصفط بالمصلاية صرت بضهرهة وهي كامت ترجف ما اتحملت قربهة وعطرهة رجفتهة شدتني احساس ماحاسة كبل وية كل مرة اول مرة اشوف هالخجل والمستحة هذا خلاني اتلهف اكثر درت وجهة علية واتفاجأت دموعهة مغركة وجهة عكدت حاجبي متنرفز كل لهفتي انطفت من شفتهة تبجي اتخبل من المرة تبجي حاجيتهة ببرود ونترة، ،عليش هالبواجي بعدنة بالبداية راح اصيحلج عمتي فرحة تسكتج ارد الكاج عاكلةوساكتة واتجهت للباب ريم،،عزة بعيني بس يصيحهة تعرف عمتي وتشن الحرب من صدك ركضت بلا وعي واني اشوفة وصل للباب وحضنتة من ضهرة وهمست لا حباب اسكت بس لا تصيح احد حمزة،،جمدت من حضنتهة شلون متعلكة بية نفسهة الدافي المتسارع ويشهكاتهة يض*ب بضهري درت وسحبتهة كعدتهة عالجرباية انطيتهة مي شربت كعدت بصفهة وهي راسأ ختلت جوة ايدي مثل البزونة الصغيرة خرررب بيومك حمزة زعطوطة دولبت احوالك ما اتحملت قربهة هالكد سحبتهة وتقربتلهة وهي من بس دموعهة تنزل صارت بس هاي لو اعوفهة تخاف اكثر خليهة تعرف ماكو شي يخوف مو متوحش انة بس هي الشغلة منطيهة اكبر من حجمهة وماتسوة هالخوف كلة ابتعد عنهة بست راسهة وكتلهة مب**ك وكمت سبحت وطلعت وديت بياضهة لامي واشتغلت الهلاهل عفتهم وطلعت يم الزلم ريم،،همزين طلع استحي اباوعلة بعد شلون احط عيني بعينة بعد الصار عزة العزاني هاي العرس هيج قلة مستحة بي امداني شو لعبت روحي من الشغلة حيييللل كمت سبحت ودخلت عمتي فرحة وعماتي كلهن وجديتي ومرت عمي يهلهلن ويباركن خجلت كلش اجتي مرت عمي بصفي وهمست هسة استحيتي عشتوا جا عليمن فلفلتي عالعرس،،،،،،،يتبع #ﺃّﻟَﻐٌﺰِّﺃّﻟَﺔّ_ﻓِّﻲِّ_ﻋٌﺮﻳِّﻦِ_ﺃّﻟَﺄَّّﺳﺪِ ﻫﻮ ﻋﺎﺵ ﻓﻲ ﻇﻞ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻲ ﺍﻟﺒﺴﺘﻪ ﺛﻮﺏ ﺍﻟﻘﺴﻮﺓ ﻭﺍﻟﺠﺒﺮﻭﺕ ﻟﻴﻨﺸﺄ ﺗﺤﺖ ﻣﺴﻤﻰ ‏( ﺍﻟﺸﻴﺦ ‏) ﻓﻬﻞ ﻳﺴﺘﻄﻴﻊ ﺍﻟﺘﺤﺮﺭ ﻣﻦ ﺗﺒﻌﺎﺕ ﻫﺬﺍ ﺍﻻﺳﻢ ﻫﻲ ﺭﻗﻴﻘﺔ ﻛﺎﻟﻮﺭﻗﺔ ﺍﻟﺒﻴﻀﺎﺀ ﻻ ﺗﻌﺮﻑ ﻟﻠﻨﻔﺎﻕ ﻃﺮﻳﻖ ﻓﻬﻞ ﺳﺘﺴﻄﻴﻊ ﺍﻟﻨﺠﺎﺓ ﺩﺍﺧﻞ ﻣﻨﺰﻝ ‏( ﺍﻟﺸﻴﺦ ‏) ﺍﻡ ﺳﺘﻔﺮﺭ ﻫﺎﺭﺑﺔ ﻣﻦ ﺟﺤﻴﻢ ﻫﺬﺍ ﺍﻟﻌﺮﻳﻦ #بقلم فيّد عبدالله مساء الورد حبايبي شلونكم شخباركم،حبايبي حبيت اوضح انه القصة حقيقية وداعتكم والبنية نشرتهة كعبرة والله وراح تعرفون شلون وليش وكالعادة حبايبي بدون ذم او تجاوز عالابطال ولو انتو راقيين ومتطلع منكم واعرفكم شنو من ذهب،متابعة طيبة