CHARISE MARIE
ONE MONTH LATER
"Gurla, mami-miss kita," malungkot na sabi ni Krizza sa akin.
Ngayon kasi ang last day ko bilang call center agent. Katatapos lang ng last shift ko. Actually matagal ko nang pinaplano at pinag-isipan ang desisyon kong ito. Dapat nga nung mga nakaraang buwan pa kaso lang 'di matuloy-tuloy. Lalo pa nang na-ospital si Mama kaya natagalan at na-extend ng na-extend. Pero this time buo na talaga ang desisyon ko. After naming makauwi galing sa Mt. Malinghot ay tuluyan na akong nakapagdesisyon. Ilang beses kong pinag-isipan iyon at kinonsidera ang mga bagay-bagay at mga posibilidad na kahihinatnan kung sakaling ituloy ko ang planong pagre-resign. Hanggang sa 'yun na nga tinotoo ko na. Nabanggit ko din kay Mama ang plano ko at hiningian ko siya ng opinyon. Natuwa n
