EVAN LEE
Hindi ko alam kung ilang oras na kaming naglalakad. Basta tuloy lang kami at walang tigil mula kanina sa jump off. Ramdam ko na ang pagod at ang sakit ng mga paa ko. Ilang beses na din akong tumigil para lang magpahinga saglit. Mukhang nanibago ako sa ganitong akyatan na walang sinusundang matinong trail. Medyo matagal na din kasi ang huli na sumali ako sa hiking event ng grupo. Nasanay ako na puro easy trail lang at may sinusundan pa katulad ng sa Mt. Salvacion. Na kahit pumikit pa ako ay kabisado ko na pati na ang mga short cut. Ito kasi medyo iba. Unexplored pa kasi ang bundok. Kami ang unang aakyat dito sa Mt. Malinghot kaya medyo pahirapan. Wala din namang choice kundi ako sumunod.
Puro kasukalan ang nakikita kong dinadaanan namin. Puro puno, baging at mga ligaw na mga hal
