KROSS
“Papasok ka na ba sa eskwelahan ngayong araw, Kross?”
Kakatapos ko lang maligo at magbihis nang katukin ako ni Lola dito sa kwarto. Inayos ko lang ang buhok ko bago siya pinagbuksan ng pinto.
“Bukas pa po ang simula ng pasukan. Pupunta lang po ako sa school ngayon para kunin yung schedule ng mga klase ko,” paliwanag ko. Tumango tango siya. Napatingin ako sa kamay niya na medyo humupa na ang pamamaga dahil sa tuloy-tuloy na gamutan.
Mabuti na lang talaga at nabigyan ako ni Chairman ng trabaho habang hindi pa nagsisimula ang pasukan. Dahil sa pera na binayad niya sa akin ay nabili ko ang mga gamot na dapat mainom ni Lola Helen. Patapos na rin ang ginagawa ko kaya baka hanggang maghapon na lang ang trabaho na gagawin ko.
“Ganun ba? Kunin mo na ‘to…” sambit niya at saka inabot sa ak
