KROSS
“Good luck on your first day, Kross…”
Tumango ako at ngumiti ng bahagya kay Chairman nang iwanan niya ako dito sa opisina niya. Kagaya ng sinabi niya sa akin ay binigyan niya ako ng access sa computer niya at sa system ng kumpanya nila para magawa ko ng maayos ang pinapagawa niyang trabaho.
Hindi pa nagtatagal sa pag-alis si Chairman ay bumukas na ang pinto nitong opisina niya at pumasok ang anak niya. Agad na sinarado niya ang pinto at naglakad palapit sa akin. Kitang-kita ko agad ang pagsimangot niya habang nakatingin sa akin.
“Did my dad allow you to use his computer?!” bulalas niya. Kung makapag sermon sa akin ay parang siya ang nag-hire sa akin sa trabaho na ito.
“Oo,” simpleng sagot ko lang at saka nagpasyang ‘wag na siyang pansinin dahil halata namang wala akong sasabihin
