Kalalabas ko lang sa banyo nang makarinig ako ng ilang pagkatok sa pinto ng aking kuwarto. Nagtatakang nagtungo ako sa pinto para pagbuksan ang kumakatok na iyon. Iniisip kong si Patrick iyon. Maaaring nagising na siya mula sa nakakapagod na ginawa nila ni Valentin. Maaari rin na si Valentin ulit iyon na marahil ay may iniisip na namang kalokohan at hihingiin na naman ang tulong ko. O di kaya ay si...
"Samuel!" gulat kong tawag sa pangalan ng aking bisita. Hindi nakapagpigil na payakap akong sumalubong sa kanya. Natawa pa siya sa akin.
"Para tayong isang taon na hindi nakita sa init ng pagsalubong na ginawa mo sa akin, Darcy," amused na sabi niya nang magkahiwalay kami.
"Na-miss kaya kita, Daddy," nakalabi kong sabi. Kaya naman hinila niya ako sa kamay at siya na ang kusang yumakap sa
