Alanganin naman akong napalunok ng aking laway nang makarating siya sa kinaroroonan ko. Nagpakawala pa nga ako nang mabigat na hininga dahil ramdam ko pa rin ang paghampas ng puso ko sa aking dibdib na para bang gusto na lamang kumawala.
Hindi ko nga rin alam kung bakit bigla akong nanginig sa lamig kahit na hindi naman gaanong malamig ang garden. Mas malamig pa rin kasi ang kuwarto o ang penthouse ni Vile dahil nakabukas lahat ng air conditioner kahit saan man ako magpunta.
“Wala kang balak pumasok sa trabaho?” tanong ko bigla dahil naiilang ako sa nakakabinging katahimikan.
Hindi rin naman kasi siya nagsasalita at nakatigin lang sa aking gawi habang nakahilig siya poste ng gazebo na medyo malapit sa aking gawi.
Madilim ang kaniyang mga matang nakatingin sa akin at hindi ko alam kung
