SPICEY'S POV
"WALA na mang magandang puntahan dito. Gusto mo bang sa mall na lang?" tanong ko kay Cold na hanggang ngayon ay tahimik.
Tsk. This is awkward to me too. Makisama naman siya dahil kaunti na lang, gusto ko nang kainin ng lupa dahil sa hiyang nararamdaman ko. Sukat ba naman kasing nag-inarte ako kanina. Tuloy ay hindi ko alam ang gagawin ko.
Malamig ang approach ni Cold. Sinlamig ng pangalan niya at giniginaw na ako sa lamig na iyon. Halos hindi niya ako kausapin. Hindi ko naman alam kung saan niya gustong pumunta. Kapag tinatanong ko siya, sumasagot naman pero napaka-ikli. At kung ano ang sagot, iyon lang talaga ang isasagot niya. Nawalan ng kulay at sigla ang pagsasalita niya.
Halos puro 'oo', 'hindi', 'pwede', 'ewan' at 'sige' lang ang sinasabi niya. Humahaba lang ang sago
