قلب يهوي العشق

قلب يهوي العشق،،، ،،،،،، البارت الاول مين فينا مش بيتمني يلاقي قلب يحس بيه ويحتويه ويكونله الحياه وهي الحياه اصلا تسوي اي من غير الحب الحب مش مجرد كلمه تتقال الحب احساس بالأمان مع الي بتحبه ونفسك تكمل حياتك معاه ،،،،،،،،،،،،، يا بنتي ارجعي عن الي في دماغك ده انتي هتعملي فيها اشطر دكتوره في المستشفي كلها ولا ايه محدش فينا قادر علي حاله المريض ده دا مجنون ابتسمت بابتسامتها الي ترد الروح في قلب كل حزين وقالت بس انا هحاول يا هبه مفيهاش حاجه يعني ما كلكم حاولتوا واخدتوا فرصتكم فيها ايه يعني لما انا كمان اخود فرصتي بصي يا هبه انا من زمان اووي بحب اجازف واعمل الي محدش بيقدر يعمله اتعصبت هبه وقالت يا شهد انا خايفه عليكي انتي رقيقه اووي زي ما الكل بيقول عنك بسكوته يعني مش هتقدري عليه علي العموم براحتك خدي فرصتك بس لو المريض ده اتجنن عليكي وعمل فيكي حاجه وحشه ملناش دعوه انا شخصيا حذرتك ابتسمت شهد وقالت تمام يا حبيبتي انا هروح اشوف شغلي بقي ،،،،اي ده استني يا هبه انتي شايفه الي أنا شيفاه التفتت هبه وقالت اي ده هو الزفت ده رجع تاني اوف بقي انا مش عايزه اشوفه هو عايز ايه مش كفايه الي عمله هو ليه عين يجي هنا اصلا ردت شهد يا بنتي استهدي بالله وبلاش العصبيه بتاعتك دي اسكتي بقي هو بيقرب علينا قرب شخص واسمه منير وقال اذيكم يا بنات عاملين ايه ولا اقول يا دكاتره خلاص كبرتوا بقي ردت هبه يباااي علي تقل دمك اووف مش طايقه اشوفك سلام يا شهد مشيت هبه وابتسم منير وقال احسن برضو أنها مشيت اصل انا بصراحه عايزك يا شهد في موضوع وكويس أن هبه مشيت قالتله خير يا منير عايز اي أعتقد أنا مفيش بيني وبينك كلام ولا مواضيع أنجز قول انا مش فاضيه عندي شغل قالها طيب اسمحيلي اقابلك بعد الشغل بجد محتاجك قالتله تمام ماشي عن اذنك بقي مشيت شهد وهي مضايقه اوي وفي نفسها قالت أنا متاكده هو عايزيني في ايه فجاه وهي ماشيه خبطت فيها نهال صحبتها وقالت شهد يا قلبي عامله ايه يا اشطر دكتوره في المصحه كلها وطنط رقيه عامله ايه وعمو ناصر ابتسمت شهد وفي نفسها قالت اه يا منافقه اكيد عايزه مني حاجه ما انتي مش بتبقي كده الا إذا احتجتي حاجه ورجعت ابتسمت وقالت خير يا حبيبتي عايزه ايه انا عندي شغل مهم اووي ردت نهال مالك يا بنتي في ايه بتتكلمي ازاي بالطريقه دي عادي يعني مش عايزه حاجه كنت بسلم عليكي وبطمن مش اكتر ردت شهد اممم انا كويسه عن اذنك بقي ،،،،،،،، مشيت شهد اما نهال بصتلها بقرف وقالت اومال لو كنتي حلوه كنتي عملتي ايه يخرب بيت غروك يباي عليكي اي ده شايفه نفسها اوي ،،،،،،،، وصلت شهد اوضه وبمجرد ما دخلت مكنش فيها حد استغربت وقالت في نفسها اي ده غريبه اووي هو فين المريض ده معقوله يكون هرب ولا ايه الحكايه فجاه سمعت صوت بيقول انتي اي الي جابك هنا وعايزه مني ايه ابتسمت وقالتله انا الدكتوره شهد ناصر الي هبدا معاك كورس العلاج انت مازن مش كده برضو قالها وانتي مالك اطلعي برا مش عايز اشوف وشك تاني انتي وحده خاينه زيك زيهم كلكم زي بعض ابعدي عني وبدأ يتعصب وي**ر في كل مكان في الاوضه وبقولها ابعدي يا نور مش عايز اشوف وشك في الوقت ده شهد خمنت إن مازن في حياته بنت واسمها نور وعشان كده هو جه المصحه وحالته النفسيه تعبانه بالمنظر ده وقررت انها هتساعده باي طريقه وقربت منه وهي مبتسمه وقالت طيب ممكن تهدي شويه انا مش زيهم انا جيت عشان اساعدك يعني انا معاك مش ضدك انا هنا بطمنك قالها كلهم قالوا كده ومحدش فيهم ساعدني كل الي كانت تقرب مني وتدخل حياتي كانت بتاخود حته من قلبي وتروح بدايه من امي لغايه البنت الوحيده الي انا حبيتها و**رت قلبي ومشيت من وقتها وانا هنا مش عارف انا مين ولا بعمل اي ولا حياتي ماشيه ازاي كل حاجه حرفيا وقفت وفجاه سكت ابتسمت شهد وقالت ها كمل انا سمعاك قالها مش عايز اتكلم من فضلك سبيني لوحدي مش عايز حد جنبي ابعدي عني قالتله طيب ينفع نبقي صحاب يا مازن وكل يوم اجيلك ونتكلم مع بعض شويه ها موافق علي العرض ده سكت شويه وقالها اممم موافق بس عندي شرط ومش عارف اذا كنتي هتوافقي ولا لا بس انا اتمني انك توافي ابتسمت شهد وقالت هوافق اكيد انت قولي ايه هو الشرط قالها لما تيجي عشان نتكلم خلينا نخرج برا المستشفي دي انا مش بحبها بحس أني مخنوق فيها وانا مش مجنون عشان اعيش هنا عمري كله انا عايز أخرج واشوف الناس قالته خلاص ماشي وانا موافقه المهم خد العلاج وخليك هادي وانا هخرج دلوقتي وهبقي اجيلك تاني عن اذنك بقي مشيت شهد الي كانت مبسوطه بأنها قدرت تتكلم مع مازن ويفضفضلها الي مكنش مدي فرصه لا اي حد يتكلم معاه قضت يومها في المستشفي ولسه هتمشي سمعت صوت منير بيقولها انتي ماشيه ولا اي مش المفروض في بينا ميعاد قالتله اممم المفروض بس انا تعبانه وعايزه امشي خلينا ناجلها لوقت تاني بقي قولت ايه قالها لا لا وقت تاني اي انا ما صدقت لقيتك اصلا وبعدين انا مش هاجي هنا كل يوم وانتي عارفه السبب خليني اتكلم معاكي شويه وصدقيني مش هتقل عليكي ومش هاخود من وقتك كتير واخيرا شهد اقتنعت ووافقت تقعد معاه رغم انها مش طيقاه و قالت ها اتكلم عايز تقول اي ياريت تلخص لاني حرفيا تعبانه وعايزه ارجع البيت قالها الموضوع باختصار انا عرفت أن انتي الي هتبقي مسؤوله عن صحه مازن عشان كده قررت اعمل معاكي اتفاقية عايزك تديله علاج يخليه بتجنن اكتر ما هو مجنون وانا مستعد ادفعلك اكتر من مرتبك بكتير قولتي ايه اتعصبت شهد وقالتله انت انسان معندكش ضمير معقوله في حد يعمل كده في أخوه انا عمري ما انسي يوم ما جبته وانت ساحبه وراك كانه دميه بتحركها بمزاجك انت ايه يا اخي معندكش قلب دا اخوك ليه بتعمل معاه كده وانا مستحيل اوافق بعرض زي ده قالها ليه كده انا هدفعلك كتير وا،،،،،،،،قبل ما يكمل كلامه اتعصبت اكتر وقالت اصلا أنا غلطانه أني وافقت اد*ك من وقتي واقعد مع انسان رخيص زيك معندوش قلب ولا ضمير ولولا عامله احترام بانك كنت في يوم من الايام زميلي في الشغل أنا كان هيبقالي معاك تصرف تاني يا منير عن اذنك مشيت شهد وهي مضايقه اووي أما منير قال في نفسه هحاول معاكي مره واثنين وعشره وعشرين مش همل يا شهد ونهايه مازن هتبقي علي إيدك في بيت متواضع دخلت شهد ولقت مامتها وباباها قاعدين رحبت بيهم ودخلت اوضتها بدلت هدومها وخرجت حضرت الاكل وقعدت شويه مع اهلها مرت الساعات وجالها تليفون ضروري من المصحه وكان الوقت متأخر وكان لازم تخرج في اسرع وقت جهزت نفسها وخرجت وهي واقفه في الشارع حصلت حاجه غريبه اووي،،،،،،، تاليف شيماء عبد الرحمن