بعد النهايه

بارت ٨

طارق :انت كدابة يا أمنية أول مره تكدبي

أمنية: نعم انت جاي تهني في بيتي لو سمحت بقه اتفضل عايزه اقفل الباب

طارق: مهو انا هتفضل بس هتفضل لجوه مش بره

أمنية:ومين بقه اللي هيسمحلك تدخل ؟

طارق: انتي اللي هتسمحيلي ابني الي جوه ده هيسمحلي

أمنية:ابن مين انت ملكش اولاد عندي انا اتجوزت وخلفت

دفعها طارق دفعه خفيفة ودلف الي المنزل وأغلق الباب خلفه

طارق: انت كدابة يا أمنية انت مش متجوزة والولد ده ابني انا متأكد مفيش راجل دخل حياتك بعدي

ضحكت أمنية ضحكة عصبية وقالت : انت متأكد اممممم جديده دي ومتأكد ازاي حضرتك انت ناسي

حضرتك اتني تمن الإسبوعين اللي اتجوزتني فيهم وقولتلي خلاص الحكايه خلصت يبقي ازاي قولي ازاي

طارق: أمنية انا.....

أمنية : انت ايه هه انت تطلع بره حالا يا اما هتطلب البوليس دلوقتي اظن طارق بيه في غني عن الشوشرة والناس عارين هنا اني قاعده لوحدي وانت جاي تتهجم عليا في بيتي

طارق: اهدي يا أمنية

أمنية بصراخ :مش ههدي الا لما تطلع بره اطلع بره

فتحت الباب وصرخت مره اخري :بره مش عايزه اشوف وشك تاني

طارق :حاضر يا أمنية اهدي بس هرجع تاني

أغلقت أمنية الباب وراءه في عنف وانهارت خلفه تبكي دموع وشهقات حبستها ثلاث سنوات ثلاث سنوات من الضياع والان**ار ثلاث سنوات من وجع القلب لقد بكت كثيرا اتي ليفتح الجرح الذي ظلت تحاول مداواته طوال الثلاث سنوات رؤيته جددت عليها الاحزان

في نفس الوقت عندما اغلقت الباب في وجهه وجد سميرة في الشقة المقابلة تنظر له بعتاب تركها ونزل وهو لا يستطيع التنفس دار بسيارته حتي اتي الليل وكان يقف ويدخن سيجارته لقد احس عندما رآها بمشاعر مختلفه ندم اشتياق رغبه في احتضانها وان يجثو علي ركبته ويقبل يدها ليطلب السماح ولكن آلمه نظرتها كانت تحمل كره وقهر عصر قلبه داخل ص*ره احس برغبة في البكاء ولكن الدموع تحجرت في عينيه لقد طردته كما طردها من قبل لقد قالت انها لا تريد رؤية وجهه مره اخري كما قال لها انكرت ان طفلها هو ابنه كما انكره هو من قبل

ياااااالله الموقف يعاد مره اخري اخرج نفسه من دوامة التفكير وهو يقول لنفسه:اخلص بس من موضوع صافي وافوق ليكي يا أمنية

علي الجانب الاخر احست صافي بتغير طارق في معاملتها هاتفت معتز

صافي: معتز في حاجه حساها مش مطمنالها

معتز :في ايه يا صافي قلقتيني ؟

صافي: طارق متغير معايا الفترة دي خايفه ليكون شاكك في حاجه

معتز:انت كده بتأكديلي شكوكي طارق متغير معايا حتي الشغل اللي كنت بعملهوله دلوقتي بيعمله بنفسه وحاسس بتحركات غريبة في الشركة بس مش عارف

صافي : يبقي شاكك فينا يا معتز

معتز:وبعدين بقه بقولك مفيش غير حل واحد بدل ما احنا عمالين نض*ب اخماس في اسداس كده

صافي :قول يا حبيبي

معتز :احنا لازم نخلص منه

صافي :عايزني اطلب الطلاق ونتجوز يا حبيبي

معتز :طلاق ايه يا صافي والفلوس دي كلها وشراكتي معاه طلاق يبقي خسرنا كل حاجه وطارق يبقي عدوي لا طبعا

صافي : طيب قصدك ايه؟

معتز: يموت يا صافي ونورثه ونتجوز ونعيش مع بعض يا حياتي

صافي: بس انا مقدرش علي كده علي معتز

معتز: ايه خايفه علي البيه بتاعك قلبك حن ليه ؟

صافي: احن ايه يا معتز لا طبعا انا بحبك نت بس اخاف الموضوع يبوظ ونخسر كل حاجه

معتز: لا متخافيش مش كفايه شايفك ليل نهار معاه انا بتعذب يا روحي وانتي بعيد عني

صافي: بتحبني يا معتز ؟

معتز :طبعا يا روحي واللي بقوله ده يخليينا نبقي مع بعض علي طول سبيني امخمخ لها واعرفك