بعد النهايه

بارت ٦

طارق :ايوه عملت ايه؟

المتصل:يا باشا الهانم خرجت من القصر راحت النادي وهي لسه هناك

طارق: طيب خليك عندك واي حاجه تحصل بلغني علطول

المتصل:تمام يا باشا

في المساء جلس طارق اما نافذة غرفته علي كرسيه الهزاز وهو يستعيد ذكريات يومه ورؤيته لأمنيه لم تتغير ملامحها كما هي ربما نحفت قليلا ولكن عندما تذكر انها تزوجت احس بغصة في حلقه من زوجها ن هذا الذي قبل بزواجه منها وهي مطلقه بعد زواج دام اسبوعين فقط من حل محله؟ تذكر بداية معرفته بها

فلاش بااااك

ساره:علشان خاطري يا طارق. روح هات ملك من الحضانه السواق معاياوانا مش هعرف اخدها

طارق : يا ساره والله مشغول وبعدين ابوها فين

ساره: ممدوح في شغل ومش هيعرف يروحلها روح هاتها علشان خاطري والخال والد ياحبيبي ملوكه حبيبتك برضه

طارق: ايوه يااختي اضحكي عليا امري لله

ذهب طارق الي. حضانة ملك وسأل عن مكتب المديره واخبرها يأنه خال ملك وهو سوف يأخذها اليوم فقط اخبرته ان ينتظر قليلا وفي هذه الأثناء دلفت أمنية إلي المكتب في عجالة من أمرها وعلي وجهها يظهر الغضب ولم تجد المديرة في المكتب ولم تلاحظ تواجد احد اخر دلفت في تلك اللحظه المديرة وقبل ان يتكلم طارق اندفعت أمنية توجه حديثها للمديرة بعصبية

أمنية: حضرتك اللي حصل ده مش صح

المديرة : مش شايفة انك بتتكلمي بعصبية يا أمنية

أمنية:اسفه حضرتك بس لو حضرتك تعرفي هتعذريني

المديرة: ايه اللي حصل يا أمنية

أمنية :مستر أيمن مدرس الايروب** واخد حمزه بس بيدربه واي ولد تاني مش مديله اي اهتمام و ده كله ليه علشان ابو حمزة موصيه عليه

المديرة: انتي ملفتيش انتباهه ليه

امنية: قلتله كدة ميصحش الولاد بيبصوا لبعض مينفعش يحسوا بالمشاعر السيئه دي

المديرة : طيب انا هتكلم مع مستر ايمن و انتي بطلي تتعصبي كدة اوي

امنية : يا فندم الولاد دول امانة عندنا مينفعش نخليهم يغيروا من بعض لازم يكون في مساواه في الحب والاهتمام

المديرة : خلاص انا هتصرف يا امنية

امنية : اللي حضرتك شايفاه و آسفة لو كنت إتعصبت شوية

ابتسمت المديرة وقالت: حصل خير بس متتكررش تاني يا امنية اتفضلي انتي على الفصل بتاعك

كل هذا يدور امام طارق و الذي كان قد جذبت انتباهه شخصية امنية وانفعالاتها امامه وبعد انخرجت سأل عنها المديرة والتي اخبرته انها تدرس لملك في الفصل اتسعت ابتسامته وقد وجد ت ل طريق للتعرف عليها

طارق وهو يكلم نفسه: اه يا أمنية كنت حلوة قوي وانت متعصبه

مر يومان هاي ابطالنا انتبه طارق علي رنين هاتفه

المتصل:يا باشا الهانم خلت عماره ولما سألت البواب قالي ان الهانم بتيجي مره كل اسبوع

طارق: طب شقة مين وفي الدور الكام ؟

المتصل: الشقه رقم 13في الدور السادس والشقه بإسم معتز الجمال

طارق اصابته الصدمه بعد سماع اسم صديقه وشريكه ثم انتبه وقال

طارق: طب خليك عندك وعرغني لما تنزل

اغلق الإتصال وفي عقله يدور الصراع هناك ما يدفعه لالتقاط مسدسه والذهاب اليهم وعمل فضيحه مدويه ولكن يجب ان يتأكد مما بينهم