Napatingin si Magdalene sa orasan sa kwartong kinalalagyan niya. Alas dos na iyon ng madaling araw ngunit hindi pa rin siya makatulog. Hindi siya mapakali. Gusto niyang bumalik sa ospital. Gusto niyang malaman ang kalagayan ni Byron. Ngunit hindi niya alam kung papaano.
Hindi na niya nagawang suriin ang silid na iyon. Pagkarating nila ng bahay nina Byron ay pinakain lang siya ng ginang, tapos ay inihatid na siya sa silid na kinalalagyan niya. Matapos niyang inumin ang gamot na binigay sa kanya ng ginang ay nakaramdam siya ng antok at agad na nakatulog.
Ngunit bigla siyang nagising at naalala na naman niya si Byron. Wala siyang balita sa kalagayan nito. Kaya naman mula ng magising siya nang alas onse ng gabi ay hindi na siya nakatulog hanggang sa mga oras na iyon.
"By kumusta ka na?" tan
