NAGISING SI SAIS na madilim na ang kalangitan at malamig na ang simoy ng hangin. Malakas na rin ang huni ng mga kulisap at mga insekto. Kinapa niya ang dalaga sa kanyang tabi ngunit agad na napabalikwas ng bangon ng mapagtantong wala na siyang katabi.
"Little kitten," pagtawag niya ngunit katahimikan ang sagot sa kanya. Mabilis siyang bumaba sa kama at nagtungo sa banyo umaasang nandoon ito ngunit nanlumo siya ng hindi makita doon si Richell. "Damn, little kitten don't make me nervous like shit." Hinalughog niya ang buong silid at mas lalong nilukob ng kaba dahil hindi niya rin makita ang urn ng ama nito.
Lumabas siya ng silid at tinawag ang kung sinomang pangalang mabigkas niya. Patakbo siyang bumaba ng hagdan at hinalughog ang bawat sulok ng bahay nila. Mas lalo siyang nanlulumo kapag
