ABBY'S POV
Dumating na ang araw na noon ay kinasasabikan kong dumating sa buhay ko. Ngunit ngayon ay hindi ako excited na mag-celebrate ng eighteenth birthday ko, dahil hindi si Charles ang escort ko.
Andito kami ngayon sa hotel ng pamilya ko. Dito sa Graceland Estate and Country Club, kung saan magdiriwang ako ng debut ko mamayang gabi.
Kasalukuyang kumakain kami ng tanghalian nang biglang magsalita ang ama ko. "Abby, gusto kong si Bryan, ang maging escort mo mamaya," sabi ng ama ko sa baritonong boses niya.
Tumingin ako sa aking ina, na siyang nakakaalam na si Nathan ang kinuha kong escort. Tumango ito sa akin at pinisil ang aking kamay bilang suporta sa pagtatapat sa aking ama.
Huminga muna ako nang malalim bago nagsalita. "Daddy, may kinuha na po akong escort ko," pagtatapat ko.
