"Mga anak!"
Dali-dali kaming tumakbo papunta kay mommy na ngayon ay kitang-kita na ang pagka galak sa amin. Kahit si daddy ay nabigla rin sa ginawa ni mommy, kaya napayakap na lang din ito sa amin.
"Malaya na tayo. Malaya na ang Avalon!" sigaw ni Adam at saka namin sabay binitawan ang aming sandata.
Naglaho naman na parang bula ang mga drekavac, at nagmistulang abo ang mga sapir, kasabay ng paglaho rin ni Nathan. Ang mga halaman ay bumalik na sa dating anyo. Ang kalangitan ay naging maaraw na at ramdam na namin ang haplos ng init sa aming katawan.
"Totoo na ba ito? Mga kasama totoo na ito? Malaya na ang Avalon?" Hindi pa rin makapaniwalang sabi ng isang nimpa. Halos tumalon ang puso nila sa tuwa, at sabay-sabay rin nilang inihagis ang kanilang mga sandata.
"Malaya na ang Avalon,
