Isinara na ni Carmela ang kanyang laptop at nag-inat. Saka na lang niya ulit ie-edit ang ibang kabanata na kanyang natapos isulat kapag nagkaoras siya. Tumayo na siya at itinabi iyon.
Ang sabi ni Jiro nang tumawag ito kanina at sinabing nakabalik na ito mula sa probinsya ay dadaan ito sa bahay niya. Hindi nito sinabi kung ano’ng oras kaya kailangan na niyang kumilos at magluto para sa tanghalian.
Mabuti na lang din at nakaligo na siya kaninang umaga lalo na't ang aga ring nababad ng mga mata niya sa radiation.
Umuwi ng Zambales si Jiro kahapon nang umaga, araw ng Sabado, dahil sa mahalagang bagay raw na kukunin nito roon. Hindi niya alam kung ano iyon dahil hindi rin nito sinabi nang magtanong siya.
Katatapos lang niyang magluto at kasalukuyang ibina-bun niyang muli ang buhok nang maka
