Gaya ng plano ni Gino, parehas kaming uuwi ng Zambales. Sinabi ko sa kanya na iyon din ang gusto kong gawin bago pa man kami nagtagpo ni Arra, ang isama siya sa pag-uwi upang ipakilala sa mga magulang ko.
Alam kong galak ang nakita ko sa kanyang mga mata nang sabihin ko sa kanya ang tungkol sa bagay na iyon. Kaya rin naman, hindi ako tumutol nang sinabi niya sa akin na uuwi kaming dalawa.
Pagsapit nang hapon ng Biyernes ay naratnan ko na siya sa loob ng bahay pagdating ko galing sa trabaho, naghihintay siya sa akin. Binigay ko rin kasi sa kanya ang isang susi ng bahay kaya malaya na siyang lumabas at pumasok doon. Nakapaghanda na rin siya ng aming hapunan bago kami byabyahe.
Nagpahinga lang din ako saglit saka naligo at sabay na rin kaming naghapunan na dalawa pagkatapos. Hindi na rin k
