Balisang-balisa si Carmela nang pumasok siya sa loob ng bahay. Hindi niya alam kung ano ang gagawin. Litong-lito siya habang nagpapabalik-balik ng lakad sa may living room.
Hindi niya malaman kung ano ba ang marapat niyang isipin ngayong nagbalik si Jiro? Sa kanilang naging pagtatagpong napuno ng tensyon. Magpahanggang ngayon din ay nagdudulot pa rin sa kanya iyon ng malakas na pagkabog sa dibdib.
Dali-daling nagtatakbo siya papasok ng kanyang silid ng may isang taong pumasok sa isip niya na maaari niyang maiyakan ngayong gabi.
Nanginginig ang mga kamay na kinuha niya ang cellphone sa loob ng shoulder bag. Noong una ay nagdadalawang-isip pa siya kung ida-dial ba niya ang numero nito na kalaunan din ay kanya rin namang ginawa. Kailangan lang talaga niya nang mahihingahan.
"Hello? Carm
