Habang hinihintay ang magiging reaksiyon ni Ornok sa pagpapakilala ko kay Marcus ay pasimple namang bumaba ang kamay ni Marcus mula sa braso ko papunta sa aking baywang.
Alam ko ang ganitong mga galawan ni Marcus kaya habang maaga pa ay binigyan ko na siya nang nagbabalang mga tingin.
Kung ipagpapatuloy niya ang paghaplos-haplos sa akin ay di malayong madadala ako sa kanyang kaharutan.
Napagtanto ko pa naman napagdating sa kanya ay taglay ko ang nakakabahalang karupokan.
Mukhang hindi naman napansin ni Ornok ang pasimpleng namagitan sa'min ni Marcus dahil tingin ko ay abala ang utak niya sa pagproseso sa mga sinasabi ko kaysa pansinin ang palitan namin ng tingin nitong katabi ko.
"Ilang araw ka lang dito sa mundo ng mga tao tapos nakakuha ka na agad ng sinisinta?" naiiling na bula
